Parlament májilisiniń depýtaty Bekbolat Tileýhan memleket basshysy Qasym-Jomart Toqaevtyń Astana qalasynyń ataýyn ózgertý týraly usynysyna qatysty pikir bildirdi. Bul tarıhı ári ádil sheshim, dep baǵa berdi depýtat.
Óz sózinde Bekbolat Tileýhan memleket basshysynyń usynysyn qoldaıtynyn aıtty. Ol Qasym-Jomart Toqaevtyń jasaǵan usynysynyń bári aqylǵa qonymdy ekenin atap ótti, dep habarlaıdy Sputnik Qazaqstanǵa silteme jasap Stan.kz.
«Men ózimdi qashannan beri Nursultan qalasynyń turǵyny retinde sezinip júrgenmin. Jalpy bul tarıhı jáne óte ádil sheshim. Biz zańǵa baǵynǵan saıasattyń adamymyz. Árıne, zań boıynsha, ishki erejemiz boıynsha júrýdi mindet dep esepteımin.
Elbasy qandaı qurmet jasasaq ta, oǵan laıyq dep bilemin. Elbasynyń baǵytyn qashannan beri qoldaǵan áriptes retinde, qazaq balasy retinde muny qoldaımyn», - deıdi Tileýhan.
Sonymen qatar májilis depýtaty elimizdiń jańa prezıdenti halyq aldynda bergen atyna berik bolatynyna kúmándanbaıtynyn jetkizdi. Bekbolat Tileýhan Toqaevtyń Qazaqstannyń qalyptasýyna ózindik úlesin qosqan saıası tulǵa ekenin atap ótti.
«Sondyqtan antyna, ýádesine berik bolatynyna kúmánim joq», - deıdi depýtat.
Aıta ketsek, búgin prezıdent atanǵan Qasym-Jomart Toqaev Astana qalasynyń ataýyn Nursultan dep ózgertýdi usyndy.
Stan.kz
