سينوپتيكتەر قازاقستاندا 6-8 ماۋسىمدا اۋا رايى قانداي بولاتىنى تۋرالى بولجام جاسادى، - دەپ حابارلايدى "ادىرنا" پورتالى.
مەتەورولوگتار مالىمەتىنشە، قازاقستان اۋماعىنىڭ باسىم بولىگىندە اتموسفەرالىق فرونتال بولىكتەر اسەرىنەن تۇراقسىز اۋا رايى ساقتالادى. نايزاعاي ويناپ، 6 ماۋسىمدا باتىستا، 7-8 ماۋسىمدا سولتۇستىك-باتىستا ازداعان جاڭبىر جاۋىپ، 8 ماۋسىمدا ەلىمىزدىڭ سولتۇستىگىندە جاڭبىر مەن بۇرشاق جاۋادى. تەك ەلىمىزدىڭ وڭتۇستىگىندە جاۋىن-شاشىنسىز ىستىق اۋا رايى ساقتالادى.
"6-7 ماۋسىمدا سولتۇستىكتە كۇندىز وتە قاتتى ىستىق بولادى. 6 ماۋسىمدا ورتالىقتا، رەسپۋبليكانىڭ شىعىسىندا 41 گرادۋس، 8 ماۋسىمدا وڭتۇستىك-شىعىستا 41 گرادۋسقا دەيىن، ەلىمىزدىڭ وڭتۇستىگىندە 46 گرادۋسقا دەيىن ىستىق ساقتالادى. 8 ماۋسىمدا ەلىمىزدىڭ سولتۇستىك-باتىسىندا، سولتۇستىگىندە ىستىق 22-30 گرادۋسقا دەيىن تومەندەيدى", - دەلىنگەن حابارلامادا.
"ادىرنا" ۇلتتىق پورتالى
