Sınoptıkter Qazaqstanda 6-8 maýsymda aýa raıy qandaı bolatyny týraly boljam jasady, - dep habarlaıdy "Adyrna" portaly.
Meteorologtar málimetinshe, Qazaqstan aýmaǵynyń basym bóliginde atmosferalyq frontal bólikter áserinen turaqsyz aýa raıy saqtalady. Naızaǵaı oınap, 6 maýsymda batysta, 7-8 maýsymda soltústik-batysta azdaǵan jańbyr jaýyp, 8 maýsymda elimizdiń soltústiginde jańbyr men burshaq jaýady. Tek elimizdiń ońtústiginde jaýyn-shashynsyz ystyq aýa raıy saqtalady.
"6-7 maýsymda soltústikte kúndiz óte qatty ystyq bolady. 6 maýsymda ortalyqta, respýblıkanyń shyǵysynda 41 gradýs, 8 maýsymda ońtústik-shyǵysta 41 gradýsqa deıin, elimizdiń ońtústiginde 46 gradýsqa deıin ystyq saqtalady. 8 maýsymda elimizdiń soltústik-batysynda, soltústiginde ystyq 22-30 gradýsqa deıin tómendeıdi", - delingen habarlamada.
"Adyrna" ulttyq portaly
