5 قازان كۇنى قازاقستاننىڭ ءۇش قالاسىندا قولايسىز مەتەوجاعدايلار بولادى، دەپ حابارلايدى "ادىرنا" ۇلتتىق پورتالى «قازگيدرومەتكە» سىلتەمە جاساپ.
سينوپتيكتەردىڭ مالىمەتىنشە، الماتى، استانا جانە اقتوبە قالالارىندا اۋاداعى زياندى زاتتاردىڭ شوعىرلانۋى ارتۋى مۇمكىن. بۇل جاعداي اتموسفەرالىق پروتسەستەردىڭ ىقپالىنا بايلانىستى تۋىندايدى:
- اۋا تەمپەراتۋراسىنىڭ ينۆەرسياسى (جوعارى قابات جىلى، تومەنگى قابات سۋىق بولۋى);
- شتيل جانە ءالسىز جەل;
- تۇمان.
مۇنداي مەتەوجاعدايلار كەزىندە لاستاۋشى زاتتار اۋادا ۇزاق ساقتالىپ، تارالماي قالادى، ناتيجەسىندە تىنىس الۋ جولدارىنا زيان كەلتىرۋى مۇمكىن.
«5 قازان كۇنى قولايسىز مەتەوجاعدايلار استانا، الماتى جانە اقتوبە قالالارىندا كۇتىلەدى»، – دەلىنگەن «قازگيدرومەت» حابارلاماسىندا.
ۇقساس جاڭالىقتار
بۇرقاسىن بوران. قاراعاندى وبلىسى تۇرعىندارىنا ەلدى مەكەندەردەن تىس جەرلەرگە شىقپاۋعا كەڭەس بەرىلدى
