قوستاناي اكىمدىگى بيىل كۇزدە وتەدى دەپ جوسپارلانعان قازاقستان-رەسەي ايماقارالىق فورۋمىنا دايىندىققا 10 ملرد تەڭگەدەن استام قاراجات بولەتىنىن ايتتى. فورۋمنىڭ "اسا قادىرمەندى قوناقتارىنىڭ" دا پۋتين باستاعان دەلەگاتسيا ەكەنى ءمالىم بولدى. قالا باسشىلىعى رەسەي پرەزيدەنتىن ەرەكشە ءسان-cالتاناتپەن قارسى العالى وتىر. بۇل جونىندە “ناشا گازەتا” باسىلىمى جازدى، دەپ حابارلايدى "ادىرنا" ۇلتتىق پورتالى.
دەلەگاتسيانىڭ كوڭىلىنەن شىعۋ ماقساتىندا بىرقاتار شارالار اتقارىلىپ جاتىر. فورۋمعا دايىندىق اياسىندا قالادا 1626 ءتۇپ قاراعاي مەن 255 ءتۇپ تەرەك وتىرعىزىلعان. قاراعاي كوشەتتەرىن اكىمدىك باشقۇرتستاننان الدىرتقان. اكىمنىڭ ايتۋىنشا، قازاقستاندىق تاسىمالداۋشىلار ساپالى قاراعاي كوشەتتەرىن ۇسىنا الماعان بولىپ شىقتى. Cودان كەيىن كوك كوشەت ىزدەپ، شەتەلگە جۇگىنگەن.
سونىمەن قاتار، قىرۋار قارجى قالادا Smart-ورتالىق سالىپ، توبىل ساياباعىنىڭ سولتۇستىك بولىگىن قايتا جوندەۋگە جۇمسالماق. بۇعان قوسا، قارجى قالا كوشەلەرىن جارىقتاندىرۋعا، ايالداما پاۆيلوندارىن ورناتۋعا، كوشەلەردى اباتتاندىرۋعا، سۋبۇرقاقتى جوندەۋگە، 13 000 شارشى مەتر جەردىڭ كىرپىشىن الماستىرۋعا، جول مەن ۇيلەردى جوندەۋگە دە جۇمسالادى.
"ناشا گازەتا" باسىلىمىنىڭ جازۋىنشا، بىلتىر جوبانىڭ قۇنى 11,3 ملرد تەڭگە بولعان. جەلتوقسان ايىندا قوستاناي وبلىسىنىڭ جاڭا اكىمى قۇمار اقساقالوۆ Smart-ورتالىقتىڭ اينالاسىن اباتتاندىرۋ قۇنىن 1 ملرد تەڭگەگە ازايتقان. جوسپاردان 44,4 ملن تەڭگە كەتەتىن اللەيا مەن 74,4 ملن تەڭگە كەتەتىن بالالار الاڭى دا الىنعان.
باسىلىمنىڭ مالىمەتىنشە، شامامەن 1 ملرد تەڭگەگە جوسپارلانعان ءۇش سۋبۇرقاقتىڭ بىرەۋى قالادى، ال ونىڭ باعاسى – 186,6 ملن تەڭگە. اكىم ورتالىق ساياباقتا جانە بايتۇرسىنوۆ كوشەسىندەگى ساياباقتا 50 ملن تەڭگەگە 138 ورىندىق پەن ءمارمار تاستان جاسالعان 138 قوقىس جاشىگى ورناتىلاتىنىن حابارلادى.
"ازاتتىق راديوسىنىڭ" جازۋىنشا، ءپۋتيننىڭ قازاقستانعا ساپارى رەسەيدىڭ ۋكرايناعا باسىپ كىرۋىنە بايلانىستى ماسكەۋدىڭ حالىقارالىق قاۋىمداستىقتان شەتتەتىلىپ، وقشاۋلانعان كەزىندە جوسپارلانىپ وتىر. كرەمل بيلىگى ۋكرايناعا قارسى سوعىس باستاعاننان كەيىن الەم ليدەرلەرى الدىندا رەسەي پرەزيدەنتى ۆلاديمير پۋتين مەن سىرتقى ىستەر ءمينيسترى سەرگەي لاۆروۆتىڭ سۇيكىمى كەتكەن. باتىس ەلدەرى پۋتين مەن ونىڭ توڭىرەگىندەگى ادامدارعا قارسى دەربەس سانكتسيالار سالعان. الەم ليدەرلەرى باس قوساتىن سامميتتەرگە رەسەيدى شاقىرمايتىن بولعان.
ورايى كەلگەندە ايتا كەتەيىك، ناۋرىز ايىندا گااگا سوتى ءپۋتيندى تۇتقىنداۋعا وردەر بەرگەن. تالاپ بويىنشا، پۋتين "ريم ستاتۋتىنا" قاتىسۋشى ەلدەردىڭ بىرىنە بارعاندا بىردەن تۇتقىندالۋى ءتيىس. بۇل - حالىقارالىق شارت. دەگەنمەن، قازاقستان ءسىم-ءنىڭ تۇسىندىرۋىنشە, قازاقستان گااگاداعى حالىقارالىق قىلمىستىق سوتتىڭ قۇرىلتاي قۇجاتى – ريم ستاتۋتىنا قاتىسۋشى ەمەس. دەمەك، قوستانايعا كەلەتىن ءپۋتيندى قازاقستان مەملەكەتى تۇتىندامايدى.
بۇقارالىق اقپارات قۇراللارىندا قوستاناي اكىمدىگى ۆلاديمير ءپۋتيندى كۇتىپ الۋ ءۇشىن 11 ميلليارد تەڭگە جۇمساۋدى كوزدەپ وتىرعانى ايتىلادى.
"ادىرنا" ۇلتتىق پورتالى
