Soǵys bolyp jatqan aımaqtardan Reseıge jetkizilgen ýkraınalyq balalarǵa kómek qolyn sozyp, jetim balalardy óz Otanyna jetkizýge járdemdesip júrgen Save Ukraine (Ýkraınany saqtaý) qorynyń ókili ustaldy, dep habarlaıdy "Adyrna" ulttyq portaly "RIA Novostı"-ge silteme kórsete otyryp.
Qor ókilderiniń habarlaýynsha, ustalǵan áıel Save Ukraine (Ýkraınany saqtaý) qorynyń tapsyrmasy boıynsha Reseıge barǵan. Ol ýkraınalyq jetim balalardy shetelge alyp ketýdi kózdegen.
Qordyń Ýkraınanyń qaýipsizdik komıtetimen baılanysy bary da aıtyldy
Oraıy kelgende aıta keteıik, Save Ukraine qory soǵys bastalǵaly beri Reseıge aparylǵan balalardy Ýkraınaǵa keri qaıtarýmen aınalysady. Qaıyrymdylyq uıymynyń atqarýshy dırektory Nıkolaı Kýlebanyń aıtýynsha, Reseıge aparylǵan balalardyń ata-analary perzentterimen qaýysha almaı, qıyndyqtarǵa tap bolǵan. Olar Reseı Federaldy qaýipsizdik qyzmetiniń sansyz suraqtaryna jaýap berip, saǵattaǵan tekserisinen ótýge májbúr bolǵan.
"Adyrna" ulttyq portaly
