كوسوۆودا ەتنيكالىق سەربتەر مەن HATO اسكەرلەرى قاقتىعىستى. ساياسي سەبەپتەرگە بولا ۋشىققان وقيعا دۇيسەنبى كۇنى بولدى، دەپ حابارلايدى "ادىرنا" ۇلتتىق پورتالى.
دۇيسەنبى كۇنى، قۇلقىن سارىدە، كوسوۆو مەن مەتوحيانىڭ سولتۇستىگىندە ورنالاسقان زۆەچان اۋدانىندا نارازىلىقتار باستالدى. اكىمشىلىك عيماراتتارىنىڭ الدىنا جينالعان ەتنيكالىق سەربتەر جاڭادان سايلانعان جەرگىلىكتى اكىمشىلىك باسشىلارىنىڭ ورنىن بوساتۋىن تالاپ ەتتى. ويتكەنى ءساۋىر ايىندا وتكەن سايلاۋدى سەربتەردىڭ كوپشىلىگى مويىنداماعان ەدى.
كەشكە قاراي نارازىلىق بىلدىرۋشىلەردىڭ قارقىنىن توقتاتۋعا كوسوۆو پوليتسياسىنىڭ كۇشتەرى مەن ناتو (KFOR) ارالاسىپ، نارازىلاردى قىسپاققا الدى. اقىرىندا، شەرۋلەتكەندەردى تاياقتاپ، كوزدەن جاس اعىزاتىن گاز قولدانىلدى. وق اتىلعانى جايلى دەرەكتەر بار. قاقتىعىستار كەزىندە 50-دەن استام ادام زارداپ شەككەن.
وقيعاعا قاتىستى HATO تۇسىنىك بەردى.
- ناتو-دان 25-كە جۋىق بىتىمگەر جاراقات الدى. ونىڭ ىشىندە يتاليا مەن ۆەنگريا KFOR كونتينگەنتىنىڭ اسكەري قىزمەتشىلەرى بار. ولار سەبەپسىز شابۋىلعا ۇشىرادى جانە تۇتاندىرعىش قۇرىلعىلاردىڭ جارىلۋىنان جاراقات الدى، — دەپ حابارلادى ناتو.
نارازىلىق بىلدىرۋشىلەردى تاراتقاننان كەيىن سەربيا پرەزيدەنتى الەكساندر ۆۋچيچ ۇندەۋ جاسادى. ول قاقتىعىستان كەيىن مەديتسينا مەكەمەلەرىنىڭ قىزمەتىنە 52 ادام جۇگىنگەنىن، ونىڭ ۇشەۋى اۋىر جاعدايدا ەكەنىن حابارلادى.
سونىمەن قاتار، ۆۋچيچ ناتو-نىڭ 41 بىتىمگەرشىسى جارالانعانعانىن مالىمدەدى. كوسوۆو ارنايى كۇشتەرىنىڭ ارەكەتىن سىنعا الىپ، كوپشىلىككە وق جاۋدىرعان "جانكەشتىلىگىن" ايىپتادى.
ورايى كەلگەندە ايتا كەتەيىك، كوسوۆو ارنايى كۇشتەرى قاقتىعىس ۇستىندە ءبىر تۇرعىندى جاراقاتتاعان ەدى.
"ادىرنا" ۇلتتىق پورتالى
