Kosovoda jergilikti serbter men NATO áskeri qaqtyǵysty

2109
Adyrna.kz Telegram

Kosovoda etnıkalyq serbter men HATO áskerleri qaqtyǵysty. Saıası sebepterge bola ýshyqqan oqıǵa dúısenbi kúni boldy, dep habarlaıdy "Adyrna" ulttyq portaly. 

Dúısenbi kúni, qulqyn sáride,  Kosovo men Metohııanyń soltústiginde ornalasqan Zvechan aýdanynda narazylyqtar bastaldy. Ákimshilik ǵımarattarynyń aldyna jınalǵan etnıkalyq serbter jańadan saılanǵan jergilikti ákimshilik basshylarynyń ornyn bosatýyn talap etti. Óıtkeni sáýir aıynda ótken saılaýdy serbterdiń kópshiligi moıyndamaǵan edi.

Keshke qaraı narazylyq bildirýshilerdiń qarqynyn toqtatýǵa Kosovo polıııasynyń kúshteri men NATO (KFOR) aralasyp, narazylardy qyspaqqa aldy. Aqyrynda, sherýletkenderdi taıaqtap, kózden jas aǵyzatyn gaz qoldanyldy. Oq atylǵany jaıly derekter bar. Qaqtyǵystar kezinde 50-den astam adam zardap shekken.

Oqıǵaǵa qatysty HATO túsinik berdi.

- NATO-dan 25-ke jýyq bitimger jaraqat aldy. Onyń ishinde Italııa men Vengrııa KFOR kontıngentiniń áskerı qyzmetshileri bar. Olar sebepsiz shabýylǵa ushyrady jáne tutandyrǵysh qurylǵylardyń jarylýynan jaraqat aldy, — dep habarlady NATO.

Narazylyq bildirýshilerdi taratqannan keıin Serbııa Prezıdenti Aleksandr Výchıch úndeý jasady. Ol qaqtyǵystan keıin medıına mekemeleriniń qyzmetine 52 adam júgingenin, onyń úsheýi aýyr jaǵdaıda ekenin habarlady.

Sonymen qatar, Výchıch NATO-nyń 41 bitimgershisi jaralanǵanǵanyn málimdedi.  Kosovo arnaıy kúshteriniń áreketin synǵa alyp, kópshilikke oq jaýdyrǵan "jankeshtiligin" aıyptady.

Oraıy kelgende aıta keteıik, Kosovo arnaıy kúshteri qaqtyǵys ústinde bir turǵyndy jaraqattaǵan edi.

 

"Adyrna" ulttyq portaly

Pikirler