الماتىدا «تۋريزم جانە ساياحات» قازاقستاندىق حالىقارالىق كورمەسى ءوتىپ جاتىر.
KITF – 2001 جىلدان بەرى وتكىزىلىپ كەلە جاتقان جانە جىل سايىن كورسەتكىشتەردىڭ تۇراقتى ءوسۋىن كورسەتەتىن ورتالىق ازياداعى ەڭ ءىرى سالالىق B2B ءىس-شاراسى. بيىلعى ەكسپونەنتتەردىڭ قاتارىندا الەمنىڭ 22 ەلىنەن 258 كومپانيا بار.
ەكسپوزيتسيادا كەلەسى ەلدەردىڭ ۇلتتىق جانە ايماقتىق ستەندتەرى ۇسىنىلادى: ءازىربايجان، ۆەتنام، گرۋزيا، يوردانيا، يتاليا، قازاقستان، قىرعىزستان، مالايزيا، مالديۆ ارالدارى، رەسەي فەدەراتسياسىنىڭ نوۆگورود وبلىسى، سلوۆەنيا، حورۆاتيا جانە وڭتۇستىك كورەيانىڭ كيونگيدو پروۆينتسياسى. سونىمەن قاتار، كورمەدە گرەتسيا، ەگيپەت، ءۇندىستان، قىتاي، ءباا، رەسەي، تايلاند، تۇركيا، چەرنوگوريا جانە جاپونيادان كەلگەن كومپانيالار قوناقتاردى ءار ەلدىڭ ۇلتتىق دامىمەن تانىستىرۋ ءۇشىن تاۋەلسىز جانە ۇجىمدىق ستەندتەرمەن تانىستىرىلادى.
KITF 2023 «تۋريزم جانە ساياحات» كورمەسىنىڭ جۇمىسىن «Kazakh Tourism» ۇك» اق باسقارما توراعاسى تالعات امانباەۆ، الماتى قالاسى كاسىپكەرلەر پالاتاسىنىڭ توراعاسى اۋەز تايمبەتوۆ، KITF جوباسىنىڭ ديرەكتورى، يتەس قازاقستاندىق كورمە كومپانياسى وكىلى ۆيكتوريا پاۆلەنكو رەسمي تۇردە اشتى.
«سوڭعى جىلدارىتۋريزم تۋرالى ەڭ جوعارى دەڭگەيدە ءجيى ايتا باستادى. مەملەكەت باسشىسىنىڭ سوڭعى ۇندەۋىن قاراساق، ول ءتۋريزمدى ماقساتتى ەكونوميكا، جۇمىس ورىندارى رەتىندە قاراستىرۋدىڭ قانشالىقتى ماڭىزدى ەكەنىن اتاپ وتەدى. كورمە، مەنىڭ ويىمشا، سالا دامۋىن باقىلاۋدىڭ ءتيىمدى قۇرالى. كورمە نارىقتىڭ قالاي دامىپ جاتقانىن، تۋراگەنتتەر، تۋروپەراتورلاردىڭ نەمەن اينالىسىپ جاتقانىن، تۋربيزنەستىڭ باسقا وكىلدەرى نە ىستەپ جاتقانىن كورۋگە مۇمكىندىك بەرەدى. ال حالىقارالىق كورمە – كورشىلەرىمىز، سەرىكتەستەرىمىزدىڭ قالاي دامىپ جاتقانىن كورۋگە مۇمكىندىك بەرەتىن اينا»، - دەدى تالعات امانباەۆ
سپيكەر وسى جىلعا جوسپارلاردى اتاپ ءوتتى.
«وتكەن جىلى ءبىز 18 جاسقا دەيىنگى بالالارعا ەل ىشىندە تەگىن ساياحاتتاۋعا مۇمكىندىك بەرەتىن «Kids go Free» سياقتى مەحانيزمدەردى ەنگىزدىك. سونداي-اق، ءبىز تۋروپەراتور قازاقستانعا تارتاتىن ءاربىر شەتەلدىك تۋريست ءۇشىن 15 مىڭ تەڭگە كولەمىندە تولەمدى سۋبسيديالاۋدى ەنگىزدىك. بيىل ءبىز 5 پايىزدىق كەشبەكتى، ال كەلەسى جىلى 20 پايىزعا دەيىن كەشبەكتى ىسكە قوسۋدى جوسپارلاپ وتىرمىز. بۇل دا سالاعا سەرپىن بەرەدى»، - دەپ قوستى تالعات امانباەۆ
تۋريستىك سالانىڭ قالا ءۇشىن ماڭىزىن الماتى كاسىپكەرلەر پالاتاسىنىڭ توراعاسى اۋەز تايمبەتوۆ ايتىپ بەردى.
«الماتى – ورتا ازيا ءوڭىرىنىڭ ءىرى ىسكەرلىك جانە قارجى ورتالىعى. ۇزاق ۋاقىت بويى قالا جالپى وڭىرلىك ءونىم كولەمى بويىنشا جەتەكشى ورىنعا يە جانە ەل ەكونوميكاسىنىڭ بەستەن ءبىر بولىگىن قۇرايدى. وتكەن جىلى الماتىعا 1 800 000-نان استام تۋريست كەلدى (وتكەن جىلمەن سالىستىرعاندا 48,3%-عا ءوستى), ونىڭ ىشىندە شەتەلدىك تۋريست – 417 353 ادام. (2,5 ەسە ۇلعايتۋ), ورنالاستىرۋ ورىندارىندا كورسەتىلگەن قىزمەتتەر كولەمى 56,1 ملرد تەڭگەدەن استى»، - دەدى اۋەز تايمبەتوۆ.
بيىل قازاقستاندىق ستەندتەر توبىنىڭ جاڭارتىلعان ديزاينى ەكسپوزيتسيانىڭ ەرەكشەلىگى بولادى. الاڭدا قازاقستان وبلىستارىنىڭ دا، رەسپۋبليكالىق ماڭىزى بار قالالاردىڭ دا تۋريستىك الەۋەتى ۇسىنىلعان.
بيىلعى كورمەنىڭ فلاگمانى جانە باستى جەتىستىگى — اۋقىمدى ىسكەرلىك باعدارلاما. 2022 جىلى باستالعان كونفەرەنتسيا الاڭى جاڭا فورماتتا — Travel Success Academy قولداۋىمەن ۇيىمداستىرىلعان اۋقىمدى KITF Travel Forum-دا ۇسىنىلادى. KITF Travel Forum ءوز كەستەسىنە ديالوگ الاڭدارىن، پانەلدىك سەسسيالاردى، جاڭا باعىتتاردىڭ تۇساۋكەسەرلەرىن، ساراپتامالىق سەمينارلاردى، public-talk كەزدەسۋلەرىن، ۆوركشوپتاردى، fintech-سەسسيانى، تۋريستىك ازىرلەۋشىلەر، ءتۋريزمنىڭ ەكسكۋرسيالىق جانە بەلسەندى تۇرلەرىنىڭ ساۋلەتشىلەرىنىڭ فورۋمىن قامتيتىن بولادى.
KITF كورمەسى ءتۋريزمنىڭ جاڭا ونىمدەرى مەن سالا ويىنشىلارىن تانىستىرۋعا ارنالعان دەمونستراتسيالىق الاڭ عانا ەمەس، سونىمەن قاتار جىل سايىنعى KITF-تە داستۇرگە اينالعانداي، تىكەلەي كەلىسسوزدەر، جەلى جانە كاسىبي تاجىريبە الماسۋ فورماتىندا سالانىڭ وزەكتى ماسەلەلەرى تالقىلاناتىن وقىتۋ پلاتفورماسى بولدى.
ءىس-شاراعا قر سپورت جانە مادەنيەت مينيسترلىگى، الماتى قالاسىنىڭ اكىمدىگى، «Kazakh Tourism» ۇلتتىق كومپانياسى» اق، «قازاقستان تۋريستىك قاۋىمداستىعى» زتب، «اتامەكەن» ۇلتتىق كاسىپكەرلەر پالاتاسى، «تۋريستىك قامقور» كورپوراتيۆتىك قورى رەسمي قولداۋ كورسەتتى.
كورمە 19–21 ءساۋىر ارالىعىندا وتەدى.
اقپارات: http://dknews.kz
