پاكىستان تاراپىنىڭ باستاماسىمەن وتكەن اڭگىمەلەسۋ بارىسىندا پرەزيدەنت قاسىم-جومارت توقاەۆ پەن پرەمەر-مينيستر شاحباز شاريف ءبىر-ءبىرىن قۇربان ايت مەيرامىمەن قۇتتىقتادى. بۇل تۋرالى اقوردانىڭ ءباسپاسوز قىزمەتى ءمالىم ەتتى، دەپ حابارلايدى “ادىرنا” ۇلتتىق پورتالى.
تاراپتار ەكىجاقتى قاتىناستاردىڭ پەرسپەكتيۆتى باعىتتارىنا ايرىقشا ءمان بەردى.
«مەملەكەت باسشىسى ەكى ەلدىڭ كوپجاقتى ىنتىماقتاستىعىنىڭ قوزعاۋشى كۇشىنە اينالىپ كەلە جاتقان ەكونوميكالىق كووپەراتسيانىڭ الەۋەتى زور ەكەنىن اتاپ ءوتتى. بۇدان بولەك، قازاقستان مەن پاكىستاننىڭ حالىقارالىق ۇيىمدار اياسىنداعى ىقپالداستىعىنا قاتىستى ماسەلەلەر، سونىڭ ىشىندە الداعى ۋاقىتتا استانادا وتەتىن شىۇ ءسامميتىنىڭ كۇن ءتارتىبى تالقىلاندى»، - دەلىنگەن حابارلامادا.
