Qazaqstan prezıdenti Qasym-Jomart Toqaev Túrkııa prezıdenti Rejep Taıyp Erdoǵandy prezıdenttik saılaýdaǵy jeńisimen quttyqtady, - dep habarlaıdy "Adyrna" tilshisi.
«Rejep Taıyp Erdoǵandy Túrkııada ótken prezıdent saılaýynyń eki kezeńindegi jarqyn jeńisimen quttyqtaımyn!
"Rejep Taıyp Erdoǵandy Túrkııadaǵy prezıdenttik saılaýdyń ekinshi týryndaǵy laıyqty jeńisimen quttyqtaımyn. Bizdiń elderimizdi tarıhı dostyq pen yntymaqtastyq baılanystary biriktiredi. Bul jan-jaqty yntymaqtastyq strategııasy odan ári damıtyn bolady", - dep jazdy Toqaev Twitter paraqshasynda.
Jeksenbi, 28 mamyrda Túrkııada prezıdent saılaýynyń ekinshi kezeńi ótti. Ony qazirgi memleket basshysy Rejep Taıyp Erdoǵan jeńip aldy. Túrkııa OSK málimetinshe, bıýlletenderdiń 99,43 paıyzyn óńdegennen keıin Erdoǵan 52,14 paıyz, onyń qarsylasy Kemal Qylychdaroǵly 47,86 paıyz daýys jınaǵan.
Eldiń Joǵary saılaý komıssııasynyń basshysy Ahmet Iener Erdoǵannyń Qylychdaroǵly aldyndaǵy basymdyǵy eki mıllıon daýystan asqanyn aıtty. Saılaýdyń sońǵy nátıjeleri 1 maýsymda jarııalanady.
"Adyrna" ulttyq portaly
