جەكسەنبى، 28 مامىردا تۇركيادا قازىرگى مەملەكەت باسشىسى رەجەپ تايىپ ەردوعان مەن ونىڭ باستى قارسىلاسى كەمال قىلىچداروعلى قاتىساتىن داۋىس بەرۋدىڭ ەكىنشى كەزەڭى وتەدى، دەپ حابارلايدى "ادىرنا" ۇلتتىق پورتالى.
تۇركيادا پرەزيدەنت سايلاۋىنىڭ ەكىنشى كەزەڭى بۇگىن، 28 مامىردا وتەدى. داۋىس بەرۋ جەرگىلىكتى ۋاقىت بويىنشا تاڭعى ساعات 8-دە باستالادى. سايىسقا قازىرگى پرەزيدەنت پەن ونىڭ باستى قارسىلاسى، وپپوزيتسيالىق ساياساتكەر قىلىچداروعلى قاتىسۋدا.
"ەردوعانعا داۋىس بەرۋگە بەكىنىپ وتىرعاندار، شەشىمدەرىڭىزدى ساراپاتاپ الۋلارىڭىزدى سۇرايمىن. بۇل ازعىرۋعا كونبەڭىزدەر. شىن مۇسىلمان مۇنداي ۇلكەن ازعىرۋعا بارمايدى. ءبىز ءبارىمىز يماندىلىققا، ىزگىلىككە ۇمتىلۋىمىز كەرەك", - دەدى قىلىچداروعلى.
14 مامىردا وتكەن داۋىس بەرۋدىڭ ءبىرىنشى تۋرىندا كانديداتتاردىڭ ەشقايسىسى ءابسوليۋتتى كوپشىلىك داۋىس جيناي المادى. ناتيجەلەر قازىرگى پرەزيدەنت رەجەپ تايىپ ەردوعاننىڭ 49,5 پايىز داۋىس جيناعانىن كورسەتتى. ونىڭ سايلاۋداعى باستى باسەكەلەسى كەمال قىلىچداروعلى 45 پايىزدان ءسال تومەن ۇپاي جينادى.
