كەشە، 14 ناۋرىزدا، Facebook, Instagram جانە WhatsApp جۇمىسىندا بۇكىل الەم بويىنشا اقاۋ ورىن الدى. ازىرگە اتالعان الەۋمەتتىك جەلىلەر مەن مەسسەندجەردىڭ جۇمىسىندا اقاۋ تۋىنداۋىنا نە سەبەپ بولعانى بەلگىسىز.
Facebook ءۇشىن بۇل كومپانيانىڭ تاريحىنداعى ەڭ ۇلكەن اقاۋ بولدى. سارسەنبى كۇنىنىڭ باسىم بولىگىندە جەلى ىستەمەدى، دەپ جازادى Stan.kz.
كومپانيا سوڭعى رەت مۇنداي قيىندىققا 2008 جىلى تاپ بولعان ەدى. ول كەزدە جەلىنىڭ 150 ميلليون قولدانۋشىسى بار ەدى. بۇگىندە Facebook جەلىسىنىڭ 2,3 ملرد-قا جۋىق قولدانۋشىسى بار.
«Facebook كومپانياسىنىڭ قوسىمشالارىن پايدالانعان كەزدە كەي ادامداردا قيىندىقتار پايدا بولىپ جاتقانىنان حاباردارمىز. بۇل قيىندىقتاردى بارىنشا جىلدام شەشۋ ءۇشىن جۇمىس جاساپ جاتىرمىز»، - دەلىنەدى كومپانيانىڭ حابارلاماسىندا.
Facebook جەلىسىنىڭ نەگىزگى پاراقشاسى اشىلعانىمەن، كوپتەگەن قولدانۋشى جازبا جاريالاي الماي جاتقانىن ايتىپ شاعىمدانعان.
ال Instagram قولدانۋشىلارى جاڭالىقتار تاسپاسىن جاڭارتىپ، جاڭا فوتوسۋرەتتەر جاريالاي الماعاندارىن ايتتى.
تانىمال الەۋمەتتىك جەلىلەردىڭ جۇمىسىن قاداعالايتىن Downdetector سەرۆيسىنىڭ مالىمەتىنشە، اتالعان جەلىلەردەگى اقاۋلار الەم بويىنشا ورىن العان.
Stan.kz
