Astanada marafonshy, tirkelmegen «Alǵa, Qazaqstan» oppozıııalyq partııasynyń tóraǵasy Marat Jylanbaev qamaýǵa alyndy, dep habarlaıdy «Adyrna» tilshisi.
Ol Qylmystyq kodekstiń 405-baby («sot tyıym salǵan uıymnyń jumysyna qatysý») men 258-babynda («terrorıstik ne ekstremıstik áreketti qarjylandyrý») kórsetilgen is-áreketke barǵan degen kúdikke ilinip otyr.
«2023 jylǵy 25 mamyrda Astana qalasynyń mamandandyrylǵan aýdanaralyq tergeý soty kúdikti Marat Jylanbaevqa qatysty kúzetpen ustaý túrindegi bultartpaý sharasyn 2 aı merzimge sankııalady»,—delingen habarlamada.
Buǵan deıin Jylanbaev mamyr aıynyń basynda 20 táýlikke qamaýǵa alynǵan edi. 23 mamyrda ol ýaqytsha ustaý ızolıatorynan polıııaǵa jetkizildi.
Aıta keteıik, Marat Jylanbaev bir jarym jyl ishinde álemdegi eń úlken úsh shóldi jalǵyz júgirip ótý arqyly tanymal boldy. Ol —mundaı jetistikke qol jetkizgen álemdegi jalǵyz adam. Sondaı-aq sportshy Gınnes rekordtar kitabyna jeti ret engen.
