قازاقستاندىق كامەلەتكە تولماعان بالالار اتا-انالارىنىڭ رۇقساتىنسىز Instagram, Facebook, WhatsApp, ۆكونتاكتە پلاتفورمالارىنا تىركەلە المايدى. قۇجات جوباسى اشىق نقا پورتالىندا جاريالاندى، دەپ جازادى "ادىرنا".
بۇل جوبا ەلىمىزدەگى بالالار اراسىنداعى ءسۋيتسيدتىڭ الدىن الۋ ماقساتىندا قولعا الىنباق. بالالاردى زورلىق-زومبىلىقتان قورعاۋ، ءسۋيتسيدتىڭ الدىن الۋ، ولاردىڭ قۇقىقتارى مەن ءال-اۋقاتىن قامتاماسىز ەتۋ جونىندەگى 2023-2025 جىلدارعا ارنالعان "بالا قورعاۋ" كەشەندى جوسپارىنان بەلگىلى بولدى.
مۇندا Instagram, Facebook, WhatsApp, ۆكونتاكتە پلاتفورمالارىندا كامەلەتكە تولماعانداردى زاڭدى وكىلدەردىڭ رۇقساتىنسىز تىركەۋدى شەكتەۋ جونىندە شارالار قابىلداۋ 2025 جىلعى 1 توقسانعا جوسپارلانعانى جازىلعان. بۇل باستاماعا تسيفرلىق دامۋ، يننوۆاتسيالار جانە اەروعارىش ونەركاسىبى، اقپارات جانە قوعامدىق دامۋ، وقۋ-اعارتۋ مينيسترلىكتەرى جاۋاپتى بولادى.
"بالا قورعاۋ" كەشەندى جوسپارىنداعى مالىمەتكە سايكەس، ەلىمىزدە جاسوسپىرىمدەر اراسىندا قىلمىستىق جاعداي كۇردەلەنە تۇسكەن. 2021 جىلى 1529 قىلمىس تىركەلسە، 2022 جىلى وولاردىڭ سانى 12 پايىزعا ارتىپ، 1735-كە جەتكەن. مۇنداي قۇقىق بۇزۋشىلىقتار، اسىرەسە، الماتى قالاسى، باتىس قازاقستان، پاۆلودار، ماڭعىستاۋ وبلىستارىندا ءجيى تىركەلەدى.
