استاناداعى «حان شاتىر» ساۋدا ورتالىعىنىڭ ماڭىندا سالىنىپ جاتقان كوپقاباتتى ۇيلەردىڭ بىرىندە جارىلىس ورىن الدى، - دەپ حابارلايدى "ادىرنا" پورتالى.
جاقىن ماڭداعى تۇرعىن ءۇي كەشەندەرىنىڭ تۇرعىندارى ءۇش رەت ءدۇمپۋ سەزىنگەن. جارىلىستاردىڭ ءبىرى ۆيدەوعا ءتۇسىپ قالعان.
ەسكە سالايىق، ساعات 16:28-دە مۇحامەتحانوۆ كوشەسى بويىندا جاڭادان سالىنعان نىساندا ءورت شىققان بولاتىن. قازىر سالىنىپ جاتقان تۇرعىن ءۇي كەشەنىنىڭ اۋماعىندا قارا ءتۇتىن مەن جالىن بايقالدى.
پوسموترەت ەتۋ پۋبليكاتسيۋ ۆ Instagram
«23 مامىردا ساعات 16:28-دە استانا قالاسىنىڭ توتەنشە جاعدايلار دەپارتامەنتىنىڭ ءورت ءسوندىرۋ بولىمشەلەرى مۇحامەتحانوۆ كوشەسىنىڭ بويىندا جاڭادان سالىنعان نىساندا ءورت شىققانى تۋرالى كەلىپ تۇسكەن حابارلاماعا باردى. ءورت سوندىرۋشىلەر وقيعا ورنىنا 6 مينۋتتا جەتتى.
انىقتالعانداي، ءۇش گاز باللونى جارىلعان، 15 رۋلون شاتىر ماتەريالدارى جانىپ جاتقان. ءورت سوندىرۋشىلەر ءورتتى ساعات 16:45-تە اۋىزدىقتادى. ءورتتى سوندىرۋگە استانا قالاسى توتەنشە جاعدايلار دەپارتامەنتىنىڭ جەكە قۇرامىنىڭ 19 ادامى مەن 4 تەحنيكاسى جۇمىلدىرىلدى»، - دەپ حابارلادى تجد.
