Astanadaǵy «Han Shatyr» saýda ortalyǵynyń mańynda salynyp jatqan kópqabatty úılerdiń birinde jarylys oryn aldy, - dep habarlaıdy "Adyrna" portaly.
Jaqyn mańdaǵy turǵyn úı keshenderiniń turǵyndary úsh ret dúmpý sezingen. Jarylystardyń biri vıdeoǵa túsip qalǵan.
Eske salaıyq, saǵat 16:28-de Muhamethanov kóshesi boıynda jańadan salynǵan nysanda órt shyqqan bolatyn. Qazir salynyp jatqan turǵyn úı kesheniniń aýmaǵynda qara tútin men jalyn baıqaldy.
Posmotret etý pýblıkaııý v Instagram
«23 mamyrda saǵat 16:28-de Astana qalasynyń Tótenshe jaǵdaılar departamentiniń órt sóndirý bólimsheleri Muhamethanov kóshesiniń boıynda jańadan salynǵan nysanda órt shyqqany týraly kelip túsken habarlamaǵa bardy. Órt sóndirýshiler oqıǵa ornyna 6 mınýtta jetti.
Anyqtalǵandaı, úsh gaz ballony jarylǵan, 15 rýlon shatyr materıaldary janyp jatqan. Órt sóndirýshiler órtti saǵat 16:45-te aýyzdyqtady. Órtti sóndirýge Astana qalasy Tótenshe jaǵdaılar departamentiniń jeke quramynyń 19 adamy men 4 tehnıkasy jumyldyryldy», - dep habarlady TJD.
