ۆلاديمير زەلەنسكي جاپونياعا باردى. ول حيروسيمادا ءوتىپ جاتقان G7 ەلدەرىنىڭ سامميتىنە قاتىسۋدا، دەپ حابارلايدى "ادىرنا" ۇلتتىق پورتالى.
ۋكراينا باسشىسىنىڭ ساپارى جايلى جاپون بۇقارالىق اقپارات قۇرالدارى جارىسا جازۋدا.
زەلەنسكيدىڭ ءوزى تەلەگرام ارناسىندا ۋكراينانىڭ "ماڭىزدى سەرىكتەستەرىمەن جانە دوستارىمەن" سامميتتە كەزدەسەتىنىن اڭعارتىپ، ارنايى جازبا قالدىردى. ونىڭ جازباسىندا:
"الەم بۇگىن ءبىر-بىرىنە جاقىنداي تۇسەدى", - دەگەن جولدار بار.
زەلەنسكي 21 مامىر كۇنى وتەتىن ۋكرايناعا ارنالعان سامميت سەسسياسىنا قاتىسادى. سونىمەن قاتار، ەكى مەملەكەت باسشىلىعى اراسىندا بىرقاتار ەكىجاقتى كەزدەسۋلەر جوسپارعا ەنگىزىلگەن.
"ادىرنا" ۇلتتىق پورتالى
