وبلىس اكىمى نۇرلىبەك نالىباەۆ جالاعاش اۋدانىنا جۇمىس ساپارى كەزىندە تەمىرجول كوپىرىنىڭ ىرگەتاسىن قالاۋ راسىمىنە قاتىستى.
جالپى تەمىرجول وتكەلى – جالاعاشتىقتاردى كوپتەن بەرى تولعاندىرعان ماسەلەنىڭ ءبىرى. ايماق باسشىسى اۋدان تۇرعىندارىن جاڭا قۇرىلىستىڭ باستالۋىمەن قۇتتىقتادى.
«مەملەكەت باسشىسى قاسىم-جومارت كەمەلۇلى: «اسا ماڭىزدى ماسەلەلەردىڭ ءبىرى – اۋىلدى كەشەندى تۇردە دامىتۋ. اۋىلدارعا ناقتى قولداۋ كورسەتىپ، زاماناۋي ينفراقۇرىلىمدى دامىتۋىمىز كەرەك» – دەگەن بولاتىن. پرەزيدەنتىمىز بەن ۇكىمەتتىڭ سىر ءوڭىرىن ەرەكشە قولداۋىنىڭ ارقاسىندا ايماعىمىزدا اۋقىمدى جوبالار جۇزەگە اسۋدا. كەنت ورتالىعىنان ءداۋىمباي ەلدى مەكەنىنە تەمىرجول ارقىلى وتەتىن جاياۋ جۇرگىنشىلەرگە بۇل ماسەلە قيىندىق تۋعىزىپ كەلگەن ەدى. جالاعاش كەنتىن ەكىگە ءبولىپ جاتقان تەمىرجولدىڭ بەرگى بەتىندە 9 مىڭ، ارعى جاعىندا 6 مىڭداي حالىق قونىستانعان. وسى تۇستان پويىز وتكەندە جاياۋ جۇرگىنشىلەر ءۇشىن وتە قاۋىپتى. حالىقتىڭ وتكەل سالۋ تۋرالى سۇرانىسى نازارعا الىندى. كەنت تۇرعىندارىنىڭ ەكى جاققا قاتىناۋىنداعى قيىن ءتۇيىن وسىلايشا شەشىلمەك»، – دەدى نۇرلىبەك ماشبەكۇلى.
ءىس-شارا بارىسىندا اۋداندىق ارداگەرلەر كەڭەسىنىڭ توراعاسى سادىق اليەۆ جەرلەستەرىن جاڭا وتكەلدىڭ ىرگەتاسى قالانۋىمەن قۇتتىقتادى.
ايتا كەتەيىك، مەردىگەر «گۇلنۇر مك» جاۋاپكەرشىلىگى شەكتەۋلى سەرىكتەستىگى قۇرىلىس جۇمىستارىن 7 اي ىشىندە اياقتاۋدى جوسپارلاۋدا. قۇنى 328,7 ملن. تەڭگە بولاتىن كوپىردىڭ ۇزىندىعى 55 مەتردى قۇرايدى. اسپالى كوپىرگە قوزعالۋ مۇمكىندىگى شەكتەۋلى ادامدارعا ارنالعان شاحتالىق ليفت ورناتىلادى.
ەسكە سالساق، ايماق باسشىسى كۇنى كەشە ارال اۋدانىندا دا تەمىرجول كوپىرىنىڭ ىرگەتاسىن قالاۋ راسىمىنە قاتىستى. وبلىس ورتالىعىنداعى ع.مۇراتباەۆ جانە ياسساۋي كوشەلەرىنىڭ قيىلىسىندا دا تەمىرجول ارقىلى وتەتىن جاياۋ جۇرگىنشىلەر كوپىرى سالىنۋدا. وعان قوسا «بايتەرەك» ىقشام اۋدانىندا «قىزىلجارما» كانالى ارقىلى وتەتىن كوپىر قۇرىلىسى جۇرگىزىلۋدە.
ءارى قاراي ايماق باسشىسى جالاعاش كەنتى م. شامەنوۆ كوشەسىندەگى كۇردەلى جوندەۋ جۇمىستارىمەن تانىستى. جوبا قۇنى 359,1 ملن. تەڭگە، مەردىگەر مەكەمە – «قىزىلوردا جولدارى» جشس. قازىرگى تاڭدا كوشەنىڭ ەسكى اسفالت جابىندىسى قىرىلىپ، تاس توسەلگەن، جاياۋ جۇرگىنشىلەر جولىنىڭ بورديۋرلارى سالىنۋدا.
بيىل جالاعاش اۋدانىنىڭ مىرزاباي احۋن، ەسەت باتىر اۋىلدارىندا دارىگەرلىك امبۋلاتوريانىڭ قۇرىلىسى باستالماق. اۋدانداعى اۆتوموبيل جولدارىنىڭ ساپاسىن جاقسارتۋ ءۇشىن 2023 جىلعا 2,2 ملرد. تەڭگە ءبولىندى. «اۋىل – ەل بەسىگى» باعدارلاماسى شەڭبەرىندە جالپى قۇنى 559 ملن. تەڭگەنى قۇرايتىن، ۇزىندىعى 9,5 شاقىرىم بولاتىن 6 كوشە جوندەۋدەن وتكىزىلۋدە. اقسۋ، م.شامەنوۆ اۋىلدارىنا گاز تارتۋ جۇمىستارىن باستاۋعا 40 ملن. تەڭگە قارجى ءبولىنىپ، مەملەكەتتىك ساتىپ الۋ راسىمدەرى جۇرگىزىلۋدە. جوبانىڭ جالپى قۇنى 1,2 ملرد. تەڭگەنى قۇرايدى.
