مەملەكەت باسشىسى قاسىم-جومارت توقاەۆ قىتاي حالىق رەسپۋبليكاسىنا مەملەكەتتىك ساپارمەن باردى، - دەپ حابارلايدى "ادىرنا" ءتىلشىسى اقوردانىڭ ءباسپاسوز قىزمەتىنە سىلتەمە جاساپ.
ساپار بارىسىندا مەملەكەت باسشىسى قحر توراعاسى سي تسزينپينمەن كەلىسسوزدەر جۇرگىزەدى، ونىڭ ىشىندە ستراتەگيالىق ارىپتەستىكتى ودان ءارى نىعايتۋ، ساۋدا-ەكونوميكالىق، ينۆەستيتسيالىق، كولىك-لوگيستيكا جانە ەنەرگەتيكا سالالارىنداعى ىنتىماقتاستىقتى كەڭەيتۋ، سونداي-اق مادەني-گۋمانيتارلىق بايلانىستاردى تەرەڭدەتۋ ماسەلەلەرى قاراستىرىلاتىن بولادى.
اقوردانىڭ ءباسپاسوز قىزمەتى قازاقستان پرەزيدەنتىنىڭ اۋەجايداعى كەزدەسۋىنىڭ سۋرەتىن تاراتتى.
قاسىم-جومارت توقاەۆتى قىتايلىق مەكتەپ وقۋشىلارى قارسى الدى.
«18 مامىردا مەملەكەت باسشىسى قىتايدىڭ ءىرى كومپانيالارىنىڭ باسشىلارىمەن كەزدەسىپ، مەملەكەتتىك ساپارلار باعدارلاماسى اياسىندا بىرقاتار ءىس-شارالار وتكىزەدى، سونداي-اق الماتىدا قازاقستاننىڭ لوگيستيكالىق ورتالىعىنىڭ قۇرىلىسىن ىسكە قوسۋ راسىمىنە قاتىسادى»، - دەپ حابارلادى مەملەكەت باسشىسىنىڭ ءباسپاسوز قىزمەتى.
19 مامىردا قاسىم-جومارت توقاەۆ ورتالىق ازيا-قىتاي سامميتىنە قاتىسادى. سونداي-اق سيان قالاسىنداعى ەلىمىزدىڭ باس كونسۋلدىعىنىڭ سالتاناتتى اشىلۋىنا قاتىسۋ جوسپارلانۋدا.
ەسكە سالايىق، 12 مامىردا قىتاي تەلەارناسىنا قاسىم-جومارت توقاەۆتىڭ سۇحباتى جاريالانعان بولاتىن. بۇدان كەيىن پرەزيدەنت ورتالىق ازيا ەلدەرىنىڭ قىتايمەن جاقىنداسۋىنا قاتىستى كەيبىر ازاماتتاردىڭ الاڭداۋشىلىعىنا توقتالدى.
