" قارجىلىق ساۋاتتى ارتتىرۋ" دەگەن ويدان شىعارىلعان جالعان سىلتاۋمەن وتباسىڭنىڭ بيۋجەتتىك كىرىس-شىعىسىن، باعالى زاتتارىن، توي- تومالاققا جۇمساعان كاراجاتتى ( مۇمكىن ءولىم- جىتىمگە جۇمساعان اقشانى دا) تۇگەل ءتىزىپ، سولارعا سالىق تولەۋ ەرەجەسىن ەنگىزەمىز دەپ جاتىر. وسىنىڭ زاردابى ۇلكەن بولادى.
كۇنى ەرتەڭ قازاقتا تورقالى توي دا، توپىراقتى ولىمدەگى اس تا بولمايدى. " دۇعامەن نەكە قيىپ، تالاقپەن تاستاي سالاتىن", " ولگەن ساعاتتا ات- اتاۋسىز كومە سالاتىن" ارابقۇلداردىڭ ارمانى ورىندالايىن دەپ كەلەدى.
بىرەۋى سالىقپەن، ەكىنشىسى توزاقپەن قورقىتادى. جىر بولعان 21 000 تەڭگەنى " سالىقتان تۇسكەن اقشادان عانا بەرەمىز"- دەپ ەل ءىشىن ەكىۇداي قىلىپ قويدى. مۇنايدان جانە باسقا دا ەكسپورتتان ءتۇسىپ جاتقان ىرعىن قاراجات قايدا؟ باي مەملەكەت ىڭىرشاعى شىققان كەدەيلەردىڭ سالىعىنا عانا قاراپ قالىپتى... ايتپاقشى " حالىقتى موينىنا ەركەلەتىپ مىنگىزىپ وتىراتىن ۇكىمەت" جوق ەكەن عوي؟ ونى ۇمىتىڭدار دەدى عوي. ءاي، وسى مەن دە اڭقاۋمىن...ۇمىتا بەرەمىن...
كەدەيدىڭ "قارجىلىق ساۋاتىن ارتتىرۋ " كىمگە، نە ءۇشىن كەرەك؟!
ەربولات باياتۇلى
