" Qarjylyq saýatty arttyrý" degen oıdan shyǵarylǵan jalǵan syltaýmen otbasyńnyń bıýjettik kiris-shyǵysyn, baǵaly zattaryn, toı- tomalaqqa jumsaǵan karajatty ( múmkin ólim- jitimge jumsaǵan aqshany da) túgel tizip, solarǵa salyq tóleý erejesin engizemiz dep jatyr. Osynyń zardaby úlken bolady.
Kúni erteń qazaqta torqaly toı da, topyraqty ólimdegi as ta bolmaıdy. " Duǵamen neke qıyp, talaqpen tastaı salatyn", " ólgen saǵatta at- ataýsyz kóme salatyn" arabquldardyń armany oryndalaıyn dep keledi.
Bireýi salyqpen, ekinshisi tozaqpen qorqytady. Jyr bolǵan 21 000 teńgeni " Salyqtan túsken aqshadan ǵana beremiz"- dep el ishin ekiudaı qylyp qoıdy. Munaıdan jáne basqa da eksporttan túsip jatqan yrǵyn qarajat qaıda? Baı memleket yńyrshaǵy shyqqan kedeılerdiń salyǵyna ǵana qarap qalypty... Aıtpaqshy " halyqty moınyna erkeletip mingizip otyratyn úkimet" joq eken ǵoı? Ony umytyńdar dedi ǵoı. Áı, osy men de ańqaýmyn...umyta beremin...
Kedeıdiń "qarjylyq saýatyn arttyrý " kimge, ne úshin kerek?!
Erbolat Baıatuly
