تۇركياداعى پرەزيدەنتتىك سايلاۋ دوداسىندا داۋىستاردىڭ 96,15 پايىزىن ساناۋ قورىتىندىسى بويىنشا بىردە-ءبىر ۇمىتكەر 50 پايىزدان ارتىق تاڭداۋ جيناي الماعان. بۇل داۋىس بەرۋدىڭ ەكىنشى كەزەڭى وتەدى دەگەن ءسوز، دەپ حابارلايدى "ادىرنا" پورتالى.
Anadolu اگەنتتىگىنىڭ حابارلاۋىنشا، تۇركياداعى پرەزيدەنتتىك سايلاۋدا داۋىستاردىڭ 96,15 پايىزى سانالعان كەزدە كانديداتتار قاجەتتى 50 پايىزدى جيناي الماعان. وسىلايشا، سايلاۋشىلاردىڭ 49,42 پايىزى قازىرگى پرەزيدەنت رەجەپ تايىپ ەردوعانعا داۋىس بەردى. ونىڭ باستى باسەكەلەسى كەمال كىلىچداروعلۋ 44,88% داۋىس جينادى. تۇركيا زاڭىنا سايكەس، ەگەر كانديداتتاردىڭ ەشقايسىسى داۋىستاردىڭ جارتىسىنان كوبىن جيناي الماسا، سايلاۋدىڭ ەكىنشى كەزەڭى ءوتۋى كەرەك.
داۋىس بەرۋدىڭ ەكىنشى كەزەڭى تۇركيادا 28 مامىرعا بەلگىلەنگەن.
ال انكارادا جۇزدەگەن ادام داۋىس بەرۋ ناتيجەسىن كۇتىپ وتىر.
تۇركيادا پرەزيدەنت سايلاۋىمەن قاتار پارلامەنت سايلاۋى دا وتۋدە. ول جەردە داۋىستاردى ساناۋ 95 پايىزدى قۇرادى. الدىن الا ناتيجەلەر مىناداي: بيلىكتەگى ادىلەت جانە دامۋ پارتياسى – 49,47%، وپپوزيتسيالىق رەسپۋبليكالىق حالىق پارتياسى – 34,09%.
سايلاۋ ۋچاسكەلەرى جابىلعانعا دەيىن سايلاۋ كەزىندە ەشقانداي زاڭ بۇزۋشىلىق بولعان جوق. بۇل تۋرالى 14 مامىر كۇنى كەشكە جوعارى سايلاۋ كەڭەسىنىڭ توراعاسى احمەت ەنەر مالىمدەدى.
"ادىرنا" ۇلتتىق پورتالى
