انتاليا قالاسىندا بولعان جول-كولىك وقيعاسىنا قاتىستى قازاقستان مينيسترلىگى جاۋاپ بەردى، دەپ حابارلايدى "ادىرنا" ۇلتتىق پورتالى.
قازاقستان رەسپۋبليكاسىنىڭ ءسىم تۇركيا تاراپى ۇسىنعان رەسمي دەرەكتە قازا تاپقان ازامات قىرعىزستان رەسپۋبليكاسىنىڭ ازاماتى ەكەنىن حابارلاعان.
وقيعا تۋرالى قىرعىزستاننىڭ رەسمي ورگاندارى دا اقپارات تاراتتى.
بۇعان دەيىن تۇرىك بۇقارالىق اقپارات قۇرالدارىندا انتاليا ماڭىنداعى بەلەك تاس جولىنىڭ سەرىك اۋدانىندا تاكسي مەن ۆەلوسيپەد سوقتىعىسقان جول اپاتى بولعانى حابارلانعان ەدى. IHA اگەنتتىگىنىڭ دەرەگىنشە، ۆەلوسيپەد تىزگىندەگەن 27 جاستاعى ەر ادام العان جاراقاتتارىنان كوز جۇمعان.
اتالعان وقيعادان كەيىن كەي جەرگىلىكتى جاريالانىمداردا قازا تاپقان ادامنىڭ قازاقستان ازاماتى بولۋى مۇمكىن دەگەن اقپارات تاراعان بولاتىن. الايدا بۇل دەرەك رەسمي تۇردە راستالمادى.
قازىرگى ۋاقىتتا تۇركيا پوليتسياسى جول-كولىك وقيعاسىنىڭ ناقتى ءمان-جايىن انىقتاۋ ءۇشىن تەرگەۋ امالدارىن جۇرگىزىپ جاتىر.
