Түркиядағы президенттік сайлау додасында дауыстардың 96,15 пайызын санау қорытындысы бойынша бірде-бір үміткер 50 пайыздан артық таңдау жинай алмаған. Бұл дауыс берудің екінші кезеңі өтеді деген сөз, деп хабарлайды "Адырна" порталы.
Anadolu агенттігінің хабарлауынша, Түркиядағы президенттік сайлауда дауыстардың 96,15 пайызы саналған кезде кандидаттар қажетті 50 пайызды жинай алмаған. Осылайша, сайлаушылардың 49,42 пайызы қазіргі президент Режеп Тайып Ердоғанға дауыс берді. Оның басты бәсекелесі Кемал Кылычдароғлу 44,88% дауыс жинады. Түркия заңына сәйкес, егер кандидаттардың ешқайсысы дауыстардың жартысынан көбін жинай алмаса, сайлаудың екінші кезеңі өтуі керек.
Дауыс берудің екінші кезеңі Түркияда 28 мамырға белгіленген.
Ал Анкарада жүздеген адам дауыс беру нәтижесін күтіп отыр.
Түркияда президент сайлауымен қатар парламент сайлауы да өтуде. Ол жерде дауыстарды санау 95 пайызды құрады. Алдын ала нәтижелер мынадай: биліктегі Әділет және даму партиясы – 49,47%, оппозициялық Республикалық халық партиясы – 34,09%.
Сайлау учаскелері жабылғанға дейін сайлау кезінде ешқандай заң бұзушылық болған жоқ. Бұл туралы 14 мамыр күні кешке Жоғары сайлау кеңесінің төрағасы Ахмет Энер мәлімдеді.
"Адырна" ұлттық порталы
