4 مامىردا تۇستەن كەيىن، الماتى قالاسىندا، ءابىش كەكىلبايۇلى كوشەسىندە Infiniti جۇرگىزۋشىسى جولداعى جانجالعا بايلانىستى ەر ادامدى اياۋسىز ۇرىپ سوقتى، دەپ حابارلايدى zakon.kz.
وقيعانىڭ ۆيدەوسى جابىرلەنۋشىنىڭ اعاسىنىڭ تۇسىنىكتەمەسىمەن بىرگە قالانىڭ Telegram ارنالارىنىڭ بىرىندە جاريالاندى.
ونىڭ ايتۋىنشا، Infiniti يەسى Toyota Mark II اۆتوكولىگىنە جول بەرمەي قارسى جولاققا شىعىپ كەتۋگە تىرىسقان.
"بەلگىسىز سەبەپتەرمەن ول مەنىڭ اعاما سوقتىعىپ، ونى ەس-ءتۇسسىز كۇيدە ۇرىپ، وقيعا ورنىنان قاشىپ كەتكەن. مەنىڭ اعام اۋرۋحانادا 6 كۇن جاتىر. ءالى ەشكىم كەشىرىم سۇراعان جوق", دەپ شاعىمدانادى اۆتور.
الماتى قالاسىنىڭ پوليتسيا دەپارتامەنتى بۇل فاكتىنى قازىرگى ۋاقىتتا بوستاندىق اۋدانىنىڭ پوليتسيا ءبولىمى اۋماقتىق بويىنشا تەكسەرىپ جاتقانىن حابارلادى.
"ول قر قىلمىستىق كودەكسىنىڭ 293 بابى، 1 ءبولىمى بويىنشا سوتقا دەيىنگى تەرگەۋدىڭ بىرىڭعاي تىزىلىمىنە تىركەلدى. ارىزدانۋشىعا العان دەنە جاراقاتتارىنىڭ اۋىرلىعىن انىقتاۋ ءۇشىن سوت-مەديتسينالىق ساراپتاما تاعايىندالدى، ونىڭ ناتيجەلەرى بويىنشا پروتسەسسۋالدىق شەشىم قابىلدانادى", دەلىنگەن حابارلامادا.
باسقا جاعدايلار انىقتالىپ جاتىر.
"ادىرنا" ۇلتتىق پورتالى
