الەۋمەتتىك جەلىدە جۋرناليست ەربول ماندىبەكتىڭ پرەزيدەنتكە ۇندەۋ جولداپ، وتباسىنىڭ قورعالۋىن تالاپ ەتكەن ۆيدەوسى تاراعان بولاتىن. مينيستر دارحان قىدىرالى مەن ونىڭ ءباسپاسوز حاتشىسى نۇربەك ءاميشا وعان نازار اۋدارعانىمەن، ماسەلە تۇپكىلىكتى انىقتالمادى، دەپ جازادى "ادىرنا".
ەربول ماندىبەكتىڭ 7 مامىر كۇنى، تۇندە كوز ىلمەستەن ۇزىك-ۇزىك تىكەلەي ەفيرگە شىعىپ وتىرعانىنا كوپشىلىك كۋا بولدى. دەسە دە، ءتىلشىنىڭ ناقتى تالابى مەن ارىزىنا قاتىستى قۇزىرلى ورگانداردان رەسمي جاۋاپ ءالى دە ايتىلمادى.
Facebook پاراقشاسىنداعى ەفير ۆيدەولارىنان ماندىبەكتىڭ سىراعا ۇقساس سۋسىن ىشكەنى جانە كولىك ايداعانى بايقالعان بولاتىن. جاعدايعا قاتىستى استانا قالاسىنىڭ پوليتسيا دەپارتامەنتى پىكىرىن الۋ ماقساتىندا "ادىرنا" ءتىلشىسى ءتيىستى ورگانعا حابارلاسقان بولاتىن. الايدا ازاماتتاردىڭ جۇگىنۋ تەلەفونى قوڭىراۋعا جاۋاپ بەرمەدى. كەزەكشى بولىمىنە حابارلاسقانىمىزدا، "مۇنداي سۇراقتارعا ءباسپاسوز ورتالىعى جاۋاپتى. بىراق، ولاردا بۇگىن دەمالىس. بۇگىن قوڭىراۋ كوتەرمەيدى", دەدى.
"ادىرنا" ۇلتتىق پورتالى
