ۇلىبريتانياداعى ۆەستمينستەر سارايىندا كورول چارلز III (كارل ءىىى) پەن ونىڭ ايەلى كاميللانىڭ تاققا وتىرۋ ءراسىمى ءوتىپ جاتىر. ترانسلياتسيا كورولدىك وتباسىنىڭ YouTube ارناسىننان كورسەتىلۋدە، دەپ حابارلايدى "ادىرنا" ۇلتتىق پورتالى.
چارلز III-ءتىڭ باسىنا اۋليە ەدۋاردتىڭ ءتاجى تاعىلىپ، مونارح قولىنا "كۇش-قۋات" نىشانى، كرەست، كوگەرشىن مەن ەگەمەندىكتى ايعاقتايتىن ساقيناسى بار اساتاياقتى الدى. ول تاققا 74 جاسقا قاراعان شاعىندا وتىردى. چارلز III-ءتىڭ باسىنا 1661 جىلى جاسالعان سەنت-ەدۆارد ءتاجى تاعىلدى. تاققا وتىرعاننان كەيىن كارل III ءدىني قىزمەتكەرلەردەن، قۇرداستارىنان جانە ءوز وتباسى مۇشەلەرىنەن ادالدىق انتىن قابىلدادى. مونارحقا ونىڭ جۇبايى كاميللا دا انت بەردى.
74 جاسىندا تاجگە قول جەتكىزگەن كارل III ۇلىبريتانيانىڭ ەڭ قارت مونارحى. ەندى ەلدىڭ ءانۇرانى وزگەرىپ، باسى "جاساعان يەم، پاتشانى ساقتا!" دەپ شىرقالاتىن بولادى.
سارايداعى شىركەۋ ءراسىمىن اعىلشىن شىركەۋىنىڭ باسشىسى كەنتەربەري ارحيەپيسكوپى وتكىزدى.
"ادىرنا" ۇلتتىق پورتالى
