مولدوۆا پارلامەنتىنىڭ توراعاسى يگور گروسۋ گاگاۋز اۆتونومياسىنىڭ تۇرعىندارىنىڭ ورىس تىلىندە سويلەيتىنىنە الاڭداۋشىلىق ءبىلدىردى، دەپ حابارلايدى «ادىرنا» ءتىلشىسى.
«گاگاۋزيادا اتقاراتىن جۇمىسىمىز كوپ، ءبىراز نارسەنىڭ ورنىن تولتىرۋىمىز ءتيىس. سونىڭ ءبىرى — تامىرىن جايعان رەسەيلىك ۇگىت-ناسيحاتپەن كۇرەسۋ. ءبىز گاگاۋزدارعا كومەكتەسۋىمىز كەرەك. ولار رۋمىن ءتىلىن ۇيرەنۋى ءۇشىن الدىمىزدا ارنايى باعدارلامالار جاساۋ مىندەتى تۇر. بۇدان بولەك، وزگە ەلدىڭ ءتىلىن ەمەس، ءوز انا ءتىلىن بىلۋلەرىنە جاعداي جاساۋىمىز قاجەت»،—دەدى ول Vocea Basarabiei ارناسىنا بەرگەن سۇقباتىندا.
توراعانىڭ ايتۋىنشا، ءتيىستى قادامداردى جاساۋ ءبىراز ۋاقىتتى قاجەت ەتەدى، بىراق مۇمكىن ەمەس ەشتەڭە جوق.
گاگاۋزيا - مولداۆيانىڭ وڭتۇستىگىندەگى 160 مىڭ ادامى بار اۆتونوميالى اۋماق. ولار — كوك وعىزداردان شىققان تۇركى تىلدەس حالىق.
رەسمي تىلدەرى ورىس، مولدوۆا، گاگاۋز بولسا دا، تۇرعىنداردىڭ كوبى ورىسشا سويلەيدى.
