استانا پوليتسەيلەرى تىركەۋدەن وتپەگەن "العا، قازاقستان" پارتياسىنىڭ مۇشەسى مارات جىلانباەۆتى قايتادان ۇستاپ اكەتتى، دەپ حابارلايدى "ادىرنا" ۇلتتىق پورتالى.
قوعام بەلسەندىسىنىڭ بۇل جولى جول ەرەجەسىن بۇزعانى ايتىلادى.
""مەنىڭ جوسپاردا وتكىزۋىم كەرەك بولعان شەبەرلىك سىنىبىم بار، ادامدار مەنى توسىپ وتىر. مەن ءوز ىسىمە جاۋاپسىزدىق تانىتا المايمىن. سوندىقتان مەن جول ەرەجەسىن بۇزباسام دا، ايىپپۇلىن تولەۋگە دايىنمىن. مۇندا حاتتامانى تولتىرايىق، ايىپپۇل جازىپ، تولەتە الاسىز", - دەپ جاۋاپ بەردى جىلانباەۆ ازاتتىققا.وقيعانىڭ ءمان-جايى بىلاي بولعان. پوليتسيا قىزمەتكەرلەرى ءوزارا كەلىسكەن. كەيىننەن سپورتشى ءارى قوعام بەلسەندىسىنە باسقا ءبىر قۇقىق قورعاۋ مامانى كەلىپ، "جوق جەردەن داۋ شىعارعان". "تۇرعان جەرىندە حاتتاما تولتىرۋىنا مۇمكىندىك بەرمەيمىن" دەپ وقىرانىپ، بەلسەندىنى پوليتسيا بولىمشىسىنە اپارۋعا تىرىسقان. مارات جىلانباەۆ "پوليتسيا بولىمشەسىندە كوپ ۋاقىت بوگەلمەيتىنىن ايتقان" ماماندارعا سەنگەنىن ايتادى. وسىلايشا، سپورتشى استانا قالاسى، الماتى اۋداندىق پوليتسيا بولىمىنە جەتكىزىلەدى. ورايى كەلگەندە ايتا كەتەيىك، 2023 جىلدىڭ اقپانىندا جىلانباەۆ دەپۋتاتتىققا ۇسىنىلدى، بىراق كەيىنىرەك سوت ونى "مەرزىمىنەن بۇرىن ۇگىت جۇرگىزگەنى ءۇشىن" ايىپپۇل سالدى.
"ادىرنا" ۇلتتىق پورتالى
ۇقساس جاڭالىقتار
