ۋكراينا پرەزيدەنتى ۆلاديمير زەلەنسكيگە قىرىمنىڭ ورنىنا تۇركياعا شابۋىل جاساۋدى ۇسىنعان الماتى قالاسى ءماسليحاتىنىڭ دەپۋتاتى اننا باشينسكايانىڭ قولىندا 6 ميلليارد تەڭگەدەن اساتىن جۇزگە جۋىق مەملەكەتتىك كەلىسىمشارتتار بار، دەپ جازادى "ادىرنا" پورتالى. بۇل تۋرالى ulysmedia.kz حابارلادى.
كاسىپورىننىڭ ءىرى كەلىسىمشارتتارى الماتىداعى اۋەزوۆ اۋدانى اكىمىنىڭ اپپاراتىمەن، المالى اۋدانى اكىمىنىڭ اپپاراتىمەن، ەكولوگيا جانە قورشاعان ورتانى قورعاۋ باسقارماسىمەن، تابيعي رەسۋرستار جانە تابيعاتتى پايدالانۋدى رەتتەۋ باسقارماسىمەن، «الماتى جىلۋ جەلىلەرى» جشس-مەن جاسالعان.
وسى كەلىسىمدەرگە قاراعاندا، دەپۋتات تەڭ قۇرىلتايشى بولىپ تابىلاتىن «LEU» فيرماسى الماتىداعى گاندي ساياباعىن، يمانوۆ الاڭىن، گاندي ساياباعىنىڭ باتىسىنداعى سكۆەردى اباتتاندىرۋمەن جانە اۋەزوۆ اۋدانىنداعى جاسىل جەلەكتەردى قورعاۋمەن اينالىسىپ جاتىر.
اننا باشينسكايا - الماتى قالالىق ءماسليحاتىنا Amanat پارتياسىنان سايلانعان دەپۋتات. ول Facebook-تەگى Deutsche Welle پاراقشاسىنداعى زەلەنسسكيدىڭ جوسپارى تۋرالى جاڭالىققا قىرىمنىڭ ورنىنا، تۇركياعا شابۋىل جاساۋدى ۇسىنىپ، پىكىر قالدىرعان. بۇل پىكىر پاراقشادا داۋ تۋدىرعان. سوڭىنان دەپۋتات جازعانىن الىپ تاستاپ، ءوزىنىڭ الەۋمەتتىك جەلىدەگى پاراقشاسىندا "ويلانباي ايتقان" پىكىرى ءۇشىن كەشىرىم سۇراعان.
Amanat پارتياسى باسشىلىعى بۇل ماسەلەگە قاتىستى ازىرگە مالىمدەمە جاريالامادى.
