قازاقستان تاۋلارى، 4k ءستيلى.
اتالعان جەلى GitHub رەيتينگىندە ۇزدىك 5 ترەندتەگى الەمدىك رەپوزيتوريلار قاتارىنا ەنگەن.
ءساۋىردىڭ باسىندا ىسكە قوسىلعان رەسەيلىك نەيروجەلى سبەربانكتىڭ تۋىندىسى. كوپشىلىك قاۋىم Kandinsky 2.1 گرافيكالىق گەنەراتيۆتى جەلىسىن قولدانىپ باستادى. كاندينسكي ماتىندىك سيپاتتاماعا سايكەس كەز كەلگەن سۋرەتتى سالاتىن (نەمەسە جاسايتىن) قولدانبا. ول بەلگىلى سۋرەتشىلەر ستيلىندە ونەر تۋىندىسىن سالا الادى جانە فوتوسۋرەتتەن اجىراتا المايتىنداي شىنايى سۋرەت جاساي الادى.
ءۇي، قازاقستان، دالا كەزگەن ادام، 4k ءستيلى
بۇگىنگى تاڭدا امەريكالىق Midjourney نەيرون جەلىسىنە كىرۋ اقىلى ەكەنىن العا تارتا وتىرىپ، Kandinsky 2.1 تەگىن قولدانبا ەكەنىن ايتپاسقا بولمايدى. ونىڭ ۇستىنە كاندينسكيدىڭ جاڭا مودەلى Midjourney 3 جانە 4 مودەلدەرىنىڭ ساپاسىنان كەم تۇسپەيدى.
سول سەبەپتى Kandinsky 2.1 ىسكە قوسىلعان العاشقى 4 كۇندە 1 ميلليوننان استام پايدالانۋشى قولدانىپ، اراعا ەكى كۇن سالىپ، قولدانۋشىلار سانى 2 ميلليونعا جەتتى. بۇگىنگى تاڭدا كاندينسكي تەلەگرام-بوتتا جەڭىلدەتىلگەن نۇسقادا جۇمىس ىستەپ تۇر، ال كاسىبي نۇسقاسى جەلىنىڭ ۆەب-سايتى جانە Fusion Brain ۆەب-پورتالىندا قولجەتىمدى.
Kandinsky 2.1 پايدالانۋ وڭاي. سۋرەتتە بولۋى كەرەك سيپاتتامالاردى ەنگىزىپ، ورىنداۋ ءستيلىن ورناتىڭىز دا گەنەراتسيا تۇيمەسىن باسىڭىز. سيپاتتامانى ناقتىلاپ، تولىقتىرعان جاعدايدا ناتيجە وزگەرەدى. ءسىز نەيرون جەلىدەن ءبىر سيپاتتامادا قاتارىنان بىرنەشە سۋرەت نۇسقالارىن جاساۋدى سۇراي الاسىز.
ءسىز تەك ماتىنمەن عانا ەمەس، دايىن سۋرەتتەرمەن دە جۇمىس ىستەي الاسىز. Kandinsky 2.1 فوتوشوپتىڭ ورنىنا دا قولدانۋعا بولادى. ءسىز ناقتى فوتوسۋرەتتەن كەيبىر مالىمەتتەردى الىپ تاستاي الاسىز نەمەسە كەرىسىنشە سۋرەتتى مالىمەتتەرمەن تولىقتىرا وتىرىپ، سالىپ شىعا الاسىز.
كاندينسكيدىڭ تاعى ءبىر ەرەكشەلىگى بار. AIRI جاساندى ينتەللەكت ينستيتۋتىنىڭ عالىمدارىمەن بىرلەسىپ نەيروجەلىنى قۇرعان «سبەرا» Sber AI تەحنولوگيالىق بولىمشەسى Kandinsky 2.1 ميللياردتان استام «ءماتىن-سۋرەت» سەمانتيكالىق جۇپتارىن وقىتىپ، دەرەكتەر جيىنىنا كوپتەگەن اقپاراتتى قوستى. سوندىقتان دا سبەردىڭ نەيروجەلىسى تمد ەلدەرى كەڭىستىگىنىڭ مادەني جانە تاريحي ەرەكشەلىكتەرىن تەرەڭىرەك تۇسىنەدى.
سوندىقتان ءبىزدىڭ گەوگرافيامىزعا، تاريحىمىزعا جانە مادەنيەتىمىزگە قاتىستى سۇرانىستار بويىنشا كاندينسكي ناتيجەلەردى شەتەلدىك بالامالارىنا قاراعاندا جاقسىراق جانە دالىرەك شىعارادى.
Kandinsky 2.1 جەتىستىكتەرى دە جوق ەمەس. GitHub جاساعان رەيتينگتە الەمدەگى ەڭ ۇزدىك 5 رەپوزيتوريگە ەنىپ، شەتەلدە دە باعالاندى. بۇگىنگى تاڭدا Kandinsky 2.1 جۋرناليس، رەداكتور، ستيليست، ديزاينەر، يلليۋستراتور مەن باسقا دا شىعارماشىلىق سالاسىندا ىستەيتىندەردىڭ جۇمىسىن ايتارلىقتاي جەڭىلدەتىپ وتىر. كاندينسكيدىڭ كومەگىمەن ديۆايسىڭ مەن ءتۇرلى قولدانباڭا فون، اۆاتار جاساپ، ءوزىڭدى قۋانتۋىڭا بولادى.
سونىمەن قاتار، Kandinsky 2.1 الەۋەتى جوعارى، ويتكەنى سبەر كورپوراتسياسى ونى دامىتىپ، جانە باسقا دا ونىمدەردى جاساپ شىعارۋدى كوزدەيدى. وسى رەتتە كورپوراتسيا ناتيجەلى جۇمىس ىستەۋ ءۇشىن ىنتىماقتاستىقتى ارتتىرۋدى ماقسات ەتىپ، بولاشاققا باعدار جاسايدى.
