الماتى وبلىسى پوليتسيا دەپارتامەنتىنىڭ بۇرىنعى باسشىسى سەرىك كۇدەباەۆ 10 جىلعا باس بوستاندىعىنان ايىرىلدى، دەپ حابارلايدى «ادىرنا» ءتىلشىسى.
ۇكىمدى تالدىقورعان قالالىق سوتىنىڭ توراعاسى ابديللا ۋمبەتاي شىعاردى.
2022 جىلعى مامىردا گەنەرال قاڭتار وقيعاسى بويىنشا كۇدىكتىلەردىڭ بىرىنە اينالدى. وعان قىلمىستىق كودەكستىڭ 362-بابى ("بيلiكتi نەمەسە لاۋازىمدىق وكiلەتتiكتەردى اسىرا پايدالانۋ") جانە 146-بابى ("ازاپتاۋ") بويىنشا ايىپ تاعىلدى.
ەسكە سالساق، قىلمىستىق ىسكە قاتىستى العاشقى سوت وتىرىسى 2023 جىلعى 5 قاڭتاردا ءوتتى. 30 ناۋرىز كۇنى سەرىك كۇدەباەۆ كەزەكتى سوت پروتسەسسىنە قاتىسپادى. سوتتالۋشىنىڭ دالەلدى سەبەپتەرىن راستايتىن مالىمەتتەردىڭ بولماۋىنا بايلانىستى ونى سوتقا ءماجبۇرلى تۇردە جەتكىزۋ جونىندە قاۋلى شىقتى. كەيىن گەنەرالدىڭ ەلدەن قاشىپ كەتكەنى بەلگىلى بولىپ، وعان حالىقارالىق ىزدەۋ جاريالاندى. 27 ساۋىردە كۇدەباەۆ تۇركيادا ۇستالىپ، ەلگە جەتكىزىلدى.
سەرىك كۇدەباەۆ الماتى پوليتسيا دەپارتامەنتىن 7 جىل باسقارعان. 2020 جىلى الماتى وبلىسى پوليتسياسىنىڭ باسشىسى بولىپ تاعايىندالدى. ول سوت وتىرىسىندا ءوزىنىڭ كىناسىز ەكەنىن العا تارتىپ، ەشكىمگە وق اتپاعانىن جەتكىزدى.
