Almaty oblysy polıııa departamentiniń burynǵy basshysy Serik Kúdebaev 10 jylǵa bas bostandyǵynan aıyryldy, dep habarlaıdy «Adyrna» tilshisi.
Úkimdi Taldyqorǵan qalalyq sotynyń tóraǵasy Abdılla Ýmbetaı shyǵardy.
2022 jylǵy mamyrda general Qańtar oqıǵasy boıynsha kúdiktilerdiń birine aınaldy. Oǵan Qylmystyq kodekstiń 362-baby ("Bılikti nemese laýazymdyq ókilettikterdi asyra paıdalaný") jáne 146-baby ("Azaptaý") boıynsha aıyp taǵyldy.
Eske salsaq, qylmystyq iske qatysty alǵashqy sot otyrysy 2023 jylǵy 5 qańtarda ótti. 30 naýryz kúni Serik Kúdebaev kezekti sot proessine qatyspady. Sottalýshynyń dáleldi sebepterin rastaıtyn málimetterdiń bolmaýyna baılanysty ony sotqa májbúrli túrde jetkizý jóninde qaýly shyqty. Keıin generaldyń elden qashyp ketkeni belgili bolyp, oǵan halyqaralyq izdeý jarııalandy. 27 sáýirde Kúdebaev Túrkııada ustalyp, elge jetkizildi.
Serik Kúdebaev Almaty polıııa departamentin 7 jyl basqarǵan. 2020 jyly Almaty oblysy polıııasynyń basshysy bolyp taǵaıyndaldy. Ol sot otyrysynda óziniń kinásiz ekenin alǵa tartyp, eshkimge oq atpaǵanyn jetkizdi.
