«مەديا-ەتيكا جانە بالالار قۇقىقتارىن قورعاۋ» دوڭگەلەك ۇستەل وتىرىسىنىڭ قورىتىندىسى بويىنشا ۇسىنىمدار

ء"بىز، 2023 جىلعى 24 ساۋىردە استانا قالاسىندا وتكەن «مەديا-ەتيكا جانە بالالار قۇقىقتارىن قورعاۋ» دوڭگەلەك ۇستەلىنىڭ قاتىسۋشىلارى، قازاقستانداعى بالالاردىڭ قۇقىقتارىن قورعاۋدىڭ ەرەكشە ماڭىزدىلىعىن جانە مەملەكەت باسشىسى ق.توقاەۆتىڭ وسى ماسەلە بويىنشا بەرگەن تاپسىرمالارىن باسشىلىققا الا وتىرىپ، قوعامدىق ۇيىمداردىڭ، مەملەكەتتىك ورگانداردىڭ، بۇقارالىق اقپارات قۇرالدارىنىڭ بالا قۇقىقتارىن قورعاۋعا باعىتتالعان شارالاردى ازىرلەۋدەگى كۇش-جىگەرىن جۇمىلدىرۋ قاجەتتىلىگىن ەسكەرە وتىرىپ، مەديا كەڭىستىكتە جاريالاۋ كونتەكستىندە كامەلەتكە تولماعاندارمەن بايلانىستى بۋللينگ، كيبەربۋللينگ، سۋيتسيد، زورلىق-زومبىلىق جاعدايلارىنىڭ كوبەيۋىنە قاتىستى جۇرتشىلىقتىڭ الاڭداۋشىلىعىن قاپەرگە الا وتىرىپ، دوڭگەلەك ۇستەلگە قاتىسۋشىلاردىڭ ۇسىنىستارىن تالداپ، تومەندەگى ۇسىنىمداردى جاساۋ تۋرالى كەلىستىك:

1. بۇۇ باس اسسامبلەياسىنىڭ 1989 جىلعى 20 قاراشاداعى قارارىمەن قابىلدانعان «بالا قۇقىقتارى تۋرالى كونۆەنتسيانىڭ» ەرەجەلەرىن باسشىلىققا الۋ;

2. مەملەكەتتىك ورگانداردىڭ، حالىقارالىق ۇيىمداردىڭ، قوعامدىق بىرلەستىكتەردىڭ جانە بۇقارالىق كوممۋنيكاتسيا قۇرالدارىنىڭ بالالارمەن بايلانىستى قۇقىققا قايشى جاعدايلاردى جاريالاۋ كونتەكستىندە جۇرتشىلىقتىڭ مەديا-ساۋاتتىلىعىن ارتتىرۋ جونىندەگى كۇش-جىگەرىن بىرىكتىرۋ;

3.1 «قازاقستان رەسپۋبليكاسىنداعى وتباسىلىق-تۇرمىستىق زورلىق-زومبىلىققا قارسى ءىس-قيمىل تۋرالى» ۇلتتىق بايانداما شەڭبەرىندە باق-تىڭ بالالارعا قاتىستى زورلىق-زومبىلىقتىڭ الدىن الۋداعى ىقپالى تاقىرىبىندا زەرتتەۋ جۇرگىزۋدى كوزدەۋ;

3.2 بالالارعا قاتىستى زورلىق زومبىلىقتىڭ الدىن الۋ تاقىرىبىندا سەمينار مەن ترەنينگتەر ۇيىمداستىرۋ;

3.3 جۋرناليستەرگە بالالارعا قاتىستى زورلىق-زومبىلىق جانە سۋيتسيد فاكتىلەرىن جاريا ەتۋ بويىنشا حالىقارالىق قۇجاتتاردىڭ ەرەجەلەرىن جانە قالىپتاسقان تاجىريبەنى ەسكەرە وتىرىپ نۇسقاۋلىق ازىرلەۋ (بالالاردىڭ جەكە دەرەكتەرىن جاريا ەتۋگە تىيىم سالۋ، شامادان تىس ەگجەي-تەگجەيدى جاريالاماۋ جانە ت.ب.);

3.4 بالالارعا باعىتتالعان جانە بالالاردىڭ قاتىسۋىمەن جاسالعان كونتەنت ازىرلەۋ.
1. مەديا-كەڭىستىكتە بالا قۇقىقتارىن قورعاۋدى كۇشەيتۋگە باعىتتالعان گرانتتاردى قاراستىرۋ;
1. تەلەارنالاردا وندىرىلەتىن سەريالدىق ءونىم شەڭبەرىندە بالالاردىڭ قۇقىقتارىن قورعاۋعا باعىتتالعان تاقىرىپتىق جەلىلەردى كوزدەۋ;
2. بۇقارالىق اقپارات قۇرالدارىندا ارنايى ايدارلار، بولىمدەر اشىلا وتىرىپ، ماتەريالدار (ماقالالار، سيۋجەتتەر، دەرەكتى فيلمدەر، بەينەروليكتەر) سانىن ۇلعايتۋدى قامتاماسىز ەتۋ;
3. بۇقارالىق اقپارات قۇرالدارىنداعى مەديا-ەتيكا جونىندەگى تۇراقتى كوميسسيا قۇرۋ.
وسى ۇسىنىمداردىڭ ىسكە اسىرىلۋىن باقىلاۋ قازاقستان رەسپۋبليكاسى اقپارات جانە قوعامدىق دامۋ مينيسترلىگىنە جۇكتەلسىن", - دەلىنگەن حابارلامادا.