Qazaqstan Respýblıkasy Aqparat jáne qoǵamdyq damý mınıstrligi uıymdastyrǵan «Medıa etıka men balalar quqyǵyn qorǵaý» atty dóńgelek ústelde qabyldanǵan usynymdar.
"Biz, 2023 jylǵy 24 sáýirde Astana qalasynda ótken «Medıa-etıka jáne balalar quqyqtaryn qorǵaý» dóńgelek ústeliniń qatysýshylary, Qazaqstandaǵy balalardyń quqyqtaryn qorǵaýdyń erekshe mańyzdylyǵyn jáne Memleket basshysy Q.Toqaevtyń osy másele boıynsha bergen tapsyrmalaryn basshylyqqa ala otyryp, qoǵamdyq uıymdardyń, memlekettik organdardyń, buqaralyq aqparat quraldarynyń bala quqyqtaryn qorǵaýǵa baǵyttalǵan sharalardy ázirleýdegi kúsh-jigerin jumyldyrý qajettiligin eskere otyryp, medıa keńistikte jarııalaý kontekstinde kámeletke tolmaǵandarmen baılanysty býllıng, kıberbýllıng, sýııd, zorlyq-zombylyq jaǵdaılarynyń kóbeıýine qatysty jurtshylyqtyń alańdaýshylyǵyn qaperge ala otyryp, dóńgelek ústelge qatysýshylardyń usynystaryn taldap, tómendegi usynymdardy jasaý týraly kelistik:
1. BUU Bas Assambleıasynyń 1989 jylǵy 20 qarashadaǵy qararymen qabyldanǵan «Bala quqyqtary týraly Konvenııanyń» Erejelerin basshylyqqa alý;
2. Memlekettik organdardyń, halyqaralyq uıymdardyń, qoǵamdyq birlestikterdiń jáne buqaralyq kommýnıkaııa quraldarynyń balalarmen baılanysty quqyqqa qaıshy jaǵdaılardy jarııalaý kontekstinde jurtshylyqtyń medıa-saýattylyǵyn arttyrý jónindegi kúsh-jigerin biriktirý;
3.1 «Qazaqstan Respýblıkasyndaǵy otbasylyq-turmystyq zorlyq-zombylyqqa qarsy is-qımyl týraly» Ulttyq baıandama sheńberinde BAQ-tyń balalarǵa qatysty zorlyq-zombylyqtyń aldyn alýdaǵy yqpaly taqyrybynda zertteý júrgizýdi kózdeý;
3.2 balalarǵa qatysty zorlyq zombylyqtyń aldyn alý taqyrybynda semınar men trenıngter uıymdastyrý;
3.3 jýrnalısterge balalarǵa qatysty zorlyq-zombylyq jáne sýııd faktilerin jarııa etý boıynsha halyqaralyq qujattardyń erejelerin jáne qalyptasqan tájirıbeni eskere otyryp nusqaýlyq ázirleý (balalardyń jeke derekterin jarııa etýge tyıym salý, shamadan tys egjeı-tegjeıdi jarııalamaý jáne t.b.);
3.4 balalarǵa baǵyttalǵan jáne balalardyń qatysýymen jasalǵan kontent ázirleý.
1. medıa-keńistikte bala quqyqtaryn qorǵaýdy kúsheıtýge baǵyttalǵan granttardy qarastyrý;
1. telearnalarda óndiriletin serıaldyq ónim sheńberinde Balalardyń quqyqtaryn qorǵaýǵa baǵyttalǵan taqyryptyq jelilerdi kózdeý;
2. buqaralyq aqparat quraldarynda arnaıy aıdarlar, bólimder ashyla otyryp, materıaldar (maqalalar, sıýjetter, derekti fılmder, beınerolıkter) sanyn ulǵaıtýdy qamtamasyz etý;
3. buqaralyq aqparat quraldaryndaǵy medıa-etıka jónindegi turaqty komıssııa qurý.
Osy usynymdardyń iske asyrylýyn baqylaý Qazaqstan Respýblıkasy Aqparat jáne qoǵamdyq damý mınıstrligine júktelsin", - delingen habarlamada.