الماتى وبلىسى قاراساي اۋدانىنىڭ پروكۋرورى بولات نازارباەۆتى، قاراساي اۋدانى اكىمىنىڭ اپپاراتىن جانە تاعى بىرنەشە مەملەكەتتىك مەكەمەنى سوتقا بەردى، دەپ حابارلايدى “ادىرنا” ۇلتتىق پورتالى Ulysmedia.kz سايتىنا سىلتەمە جاساپ.
سوت قۇجاتتارى جالپىعا قولجەتىمدى. ولاردان قاراساي اۋدانىنىڭ بۇرىنعى اكىمى بولاتبەك قۇتپانوۆ بولات نازارباەۆپەن بىرنەشە زاڭسىز ساتىپ الۋ-ساتۋ شارتىنا قول قويعانى بايقالادى.
ءسويتىپ، شەنەۋنىك 2004 جىلدىڭ 6 قىركۇيەگىندە ەكس-پرەزيدەنتتىڭ اعاسىنا 22,0 گەكتار جەر تەلىمىن ساتىپ جىبەرگەن. مەكەن-جايى: الماتى وبلىسى، قاراساي اۋدانى، قاسكەلەڭ قالاسىنىڭ سولتۇستىگىندە.
2005 جىلى 8 تامىزدا نازارباەۆ سول كەزدەگى اكىمنەن 71500 گەكتار جەر تەلىمىن قايتادان ساتىپ الادى. مەكەن-جايى: الماتى وبلىسى، قاراساي اۋدانى، قاسكەلەڭ قالاسىنىڭ سولتۇستىگىندە.
مەملەكەتتىك ورگاندار بولات نازارباەۆقا تاعى بىرنەشە جەر تەلىمىن بەرگەن.
2004 جىلدىڭ كوكتەمىندە «قاراساي اۋدانىنىڭ جەر قاتىناستارى ءبولىمى» مەملەكەتتىك مەكەمەسىنەن قاسكەلەڭ قالاسىنىڭ سولتۇستىگىندەگى 24100 گا جەردى، سونداي-اق الماتى-بىشكەك تاس جولىنىڭ بويىنداعى 26300 گا جەردى جالعا العان.
نازارباەۆ 2015 جىلى اۋداندىق جەر قاتىناستارى بولىمىنەن قاسكەلەڭنەن سولتۇستىككە قاراي تاعى 24100 گەكتار، الماتى-بىشكەك تاس جولىنىڭ بويىنداعى 26300 گەكتار جەردى ساتىپ العان.
2019 جىلى «قاراساي اۋدانىنىڭ جەر قاتىناستارى ءبولىمى» مم بولات نازارباەۆقا قاسكەلەڭ، الماتى-بىشكەك تاس جولىنىڭ بويىنداعى 28000 گەكتار جەردى ساتىپ جىبەرگەن.
جوعارىدا اتالعان مامىلەلەردىڭ بارلىعى سوتپەن جارامسىز دەپ تانىلدى.
«نازارباەۆ بولات ءابىشۇلىنان مەملەكەت كىرىسىنە 12 075 تەڭگە مەملەكەتتىك باج ءوندىرىلسىن»، - دەلىنگەن قۇجاتتا.
ەسكە سالايىق، 20 ساۋىردە «ەسكى» قازاقستانداعى الكوگول نارىعى ەكس-پرەزيدەنت نۇرسۇلتان نازارباەۆتىڭ ءىنىسى بولات نازارباەۆتىڭ قولىندا ەكەنى بەلگىلى بولدى. ال 17 ساۋىردە سوت بولات نازارباەۆ «بارىس» بازارىنان ايىرىلدى.
