Almaty oblysy Qarasai audanynyŋ prokurory Bolat Nazarbaevty, Qarasai audany äkımınıŋ apparatyn jäne taǧy bırneşe memlekettık mekemenı sotqa berdı, dep habarlaidy “Adyrna” ūlttyq portaly Ulysmedia.kz saityna sılteme jasap.
Basylymnyŋ mälımetınşe, prokuror Nazarbaev pen basqa aiyptaluşylardyŋ arasyndaǧy keibır satyp alu-satu kelısımderın jaramsyz dep tanu turaly talap-aryz bergen. Sot prosesı osy jyldyŋ qaŋtarynda bastalǧan. Säuır aiynda sot ükım şyǧardy.
Sot qūjattary jalpyǧa qoljetımdı. Olardan Qarasai audanynyŋ būrynǧy äkımı Bolatbek Qūtpanov Bolat Nazarbaevpen bırneşe zaŋsyz satyp alu-satu şartyna qol qoiǧany baiqalady.
Söitıp, şeneunık 2004 jyldyŋ 6 qyrküiegınde eks-prezidenttıŋ aǧasyna 22,0 gektar jer telımın satyp jıbergen. Meken-jaiy: Almaty oblysy, Qarasai audany, Qaskeleŋ qalasynyŋ soltüstıgınde.
2005 jyly 8 tamyzda Nazarbaev sol kezdegı äkımnen 71500 gektar jer telımın qaitadan satyp alady. Meken-jaiy: Almaty oblysy, Qarasai audany, Qaskeleŋ qalasynyŋ soltüstıgınde.
Memlekettık organdar Bolat Nazarbaevqa taǧy bırneşe jer telımın bergen.
2004 jyldyŋ köktemınde «Qarasai audanynyŋ jer qatynastary bölımı» memlekettık mekemesınen Qaskeleŋ qalasynyŋ soltüstıgındegı 24100 ga jerdı, sondai-aq Almaty-Bışkek tas jolynyŋ boiyndaǧy 26300 ga jerdı jalǧa alǧan.
Nazarbaev 2015 jyly audandyq jer qatynastary bölımınen Qaskeleŋnen soltüstıkke qarai taǧy 24100 gektar, Almaty-Bışkek tas jolynyŋ boiyndaǧy 26300 gektar jerdı satyp alǧan.
2019 jyly «Qarasai audanynyŋ jer qatynastary bölımı» MM Bolat Nazarbaevqa Qaskeleŋ, Almaty-Bışkek tas jolynyŋ boiyndaǧy 28000 gektar jerdı satyp jıbergen.
Joǧaryda atalǧan mämılelerdıŋ barlyǧy sotpen jaramsyz dep tanyldy.
«Nazarbaev Bolat Äbışūlynan memleket kırısıne 12 075 teŋge memlekettık baj öndırılsın», - delıngen qūjatta.Eske salaiyq, 20 säuırde «eskı» Qazaqstandaǧy alkogol naryǧy eks-prezident Nūrsūltan Nazarbaevtyŋ ınısı Bolat Nazarbaevtyŋ qolynda ekenı belgılı boldy. Al 17 säuırde sot Bolat Nazarbaev «Barys» bazarynan aiyryldy.
Ūqsas jaŋalyqtar
