سۋرەتتى، بەينەنى كەلىسىمسىز پايدالانۋ، ونى جاريالاۋ - ايىپ، زاڭ بۇزۋشىلىق ەمەس، ەگەر دە ءتيىستى تالاپتار ەسكەرىلەتىن بولسا، دەپ حابارلايدى "ادىرنا" ۇلتتىق پورتالى.
كونستيتۋتسيالىق سوت باق تۋرالى زاڭنىڭ كۇمان تۋدىرار تۇسىنا نازار اۋدارىپ، حات جولداعان قازاقستان ازاماتىنىڭ ءوتىنىشىن قاراستىردى. مەكەمەنىڭ بەرگەن جاۋابىندا جەكە تۇلعالاردىڭ سۋرەتتەرىن قولدانۋ مەن جاريالاۋ ءۇشىن رۇقسات الۋدىڭ قاجەتى جوق ەكەندىگى ايتىلادى. مۇنداي شەكتەۋلەرگە قر اتا زاڭىنىڭ 39-بابى، 1-تارماعىندا كوزدەلگەن شارتتار ساقتالعان كەزدە جول بەرىلەتىندىگى حابارلاندى.
اتاپ ايتقاندا، كونستيتۋتسيالىق سوت «بۇقارالىق اقپارات قۇرالدارى تۋرالى» قازاقستان رەسپۋبليكاسى زاڭىنىڭ 14-بابى 1-1-تارماعى 3) تارماقشاسىنىڭ قازاقستان رەسپۋبليكاسىنىڭ كونستيتۋتسياسىنا سايكەستىگىن تەكسەرگەن.
ءوتىنىش يەسىنىڭ پايىمداۋىنشا، مۇنداي جايتتار ادامنىڭ جەكە باس ەركىندىگنە كولەگەيلەپ، حاقى مەن قۇقىنا شەك كەلتىرەدى. قر ازاماتتارىنىڭ جەكە ومىرىنە، وتباسىلىق قۇپياسىنا قول سۇعىلماۋشىلىق قۇقىعىن بۇزادى.
سوت باق بەتتەرىندە جەكە تۇلعانىڭ بەت-ءجۇزىن رۇقساتسىز جاريالاۋ ماسەلەسىنە قاتىستى بىرقاتار زاڭ تارماقتارىن العا تارتتى. ەسكەرتۋلەر مەن ەسكەرۋ ءتيىس تۇستار بار ەكەنىن تىلگە تيەك ەتتى. مۇنداي ماسەلەنىڭ قۇقىق قولدانۋ پراكتيكاسى پروتسەسىندە ناقتى باعالانىپ، نازارعا الىنۋعا ءتيىس ەكەندىگى ايتىلدى.
"ادىرنا" ۇلتتىق پورتالى
