ۋكراينا ايماعىنداعى جەر-cۋ اتاۋلارىن رەسەيمەن بايلانىستىرىپ اتاۋعا شەشتەۋ قويىلدى. ۋكراينا ايماقتارىنىڭ كونە اتاۋلارى قايتارىلىپ، ەلدە دەكولونيزاتسيا، ياعني "وتارشىلدىق سالدارىنان" ايىقتىرۋ ءۇردىسى جۇرەدى، دەپ حابارلايدى "ادىرنا" ۇلتتىق پورتالى.
ەل پرەزيدەنتى ۆلاديمير زەلەنسكي توپونيميكانى "وتارسىزداندىرۋ" زاڭىنا قول قويدى. زاڭ گەوگرافيالىق ايماقتاردى رەسەيمەن بايلانىستىرا وربىرۋگە، ۇشتاستىرۋعا، بايلانىستىرۋعا شەكتەۋ قويادى. بۇل جايلى "ۆەرحوۆنايا رادا"-نىڭ سايتىندا جاريالاندى.
زاڭنامادا رەسەي تاريحىن، تۇلعالارىن جانە ماڭىزدى وقيعا اتاۋلارىن ۋكراينانىڭ گەوگرافيالىق نىساندارىنا تەلۋدىڭ زاڭعا قايشى ەكەنى ايتىلادى. سونىمەن قاتار، ەلدەگى رەسەيدىڭ ماڭىزدى نىساندارىنىڭ، ەسكەرتكىشتەرى مەن تاريحي-مادەني ورتالىقتارىنىڭ اتاۋلارى دا "زاڭسىزدىق" سانالماق.
زاڭنامادا:
- ۋكراينا جەرىندەگى قالالاردىڭ، اۋىل، كوشە، وزەن-كول، تاۋ-توعايدىڭ ورىسشا اتاۋلارى - ەل ىشىنە ىرىتكى سالۋدىڭ ناق كورىنىسى. رەسەيدىڭ كۇلىمسى يمپەريالىق ساياساتى ءارى قىلمىس، ءارى توقتاتىلۋى ءتيىس باسسىزدىق، - دەگەن جولدار بار.
سونىمەن قاتار، ساۋدا-cاتتىق مەكەمەلەرى دە تاۋارداعى رەسەي نىشاندارى مەن ماركالارىن ءوشىرۋى، اينالىمنان مۇلدە الىپ تاستاۋى ءتيىس.
ۋكراينا دەپۋتاتى ۆلاديمير ميحايلوۆيچ ءۆياتروۆيچتىڭ حابارلاۋىنشا، قۇجات رەسمي باياندالعاننان كەيىنگى ءۇش اي ىشىندە زاڭدىق كۇشىنە ەنەدى.
"ادىرنا" ۇلتتىق پورتالى
