19 ساۋىردە "اتاكەنت" كقكو ەكى پاۆيلونىندا "تۋريزم جانە ساياحات" 21-ءشى قازاقستاندىق حالىقارالىق كورمەسى - KITF 2023 ءوز جۇمىسىن باستادى. ءداستۇر بويىنشا ەكسپوزيتسيا 21 ساۋىرگە دەيىن ءۇش كۇن بويى جۇمىس ىستەيدى.
بيىل KITF تۋريستىك نارىققا قاتىسۋشىلار ءۇشىن باستى دەمونستراتسيالىق الاڭعا عانا ەمەس، سونىمەن قاتار جەتەكشىلىك ەتەتىن مەملەكەتتىك ۆەدومستۆولار، قاۋىمداستىقتار مەن تۋريستىك قوعامداستىق وكىلدەرى ءۇشىن ءتيىمدى ديالوگ كوپىرىنە اينالدى. سونداي-اق، بيىلعى جىلدىڭ فلاگمانى كورمە جۇمىسى اياسىندا سالا ماماندارى ءۇشىن وتەتىن ءۇش كۇندىك ىسكەرلىك باعدارلاما بولدى.
يندۋستريانىڭ وزەكتى ماسەلەلەرىن تالقىلاۋ جانە ودان ءارى دامۋ ۆەكتورلارىن انىقتاۋ ءۇشىن "تۋريزمدەگى جاڭا اسەرلەر ۋاقىتى" اتتى ءباسپاسوز كونفەرەنتسياسى ءوتتى. سپيكەرلەر بايانداما جاساپ قانا قويماي، قاتىسىپ وتىرعان باق سۇراقتارىنا دا جاۋاپ بەردى.
ءوز سوزىندە "Kazakh Tourism "ۇك" اق باسقارما توراعاسى امانباەۆ تالعات: "بۇگىنگى كورمە 2001 جىلدان بەرى وتكىزىلىپ كەلەدى جانە سودان بەرى بۇكىل ورتالىق ازيا ءوڭىرىنىڭ تۋريستىك سالاسىنىڭ ماماندارى ءۇشىن باستى وقيعالاردىڭ بىرىنە اينالدى. KITF الاڭى ەلىمىز بەن الەمدىك تۋريستىك قوعامداستىق اراسىنداعى ىسكەرلىك بايلانىستاردى جولعا قويۋعا ەلەۋلى ۇلەس قوسادى". كورمەنىڭ ماڭىزدىلىعىنان باسقا، تالعات جولدىمۇراتۇلى 2023 جىلعا ارنالعان جوسپارلار مەن مىندەتتەر تۋرالى ايتتى. ء"بىز وسى جىلعا وزىمىزگە جوعارى مىندەتتەر قويىپ وتىرمىز: 6 ملن. كەلۋشى جانە 1,4 ملن. شەتەلدىك تۋريستەر، سونداي-اق 9 ملن.ىشكى تۋريستەردى تارتۋ. بيىل ءبىز تۋريستىك سالانى دامىتۋدىڭ جاڭارتىلعان تۇجىرىمداماسىن قابىلدادىق، وعان سايكەس 2029 جىلعا دەيىن شەتەلدىك تۋريستەر سانىن 4 ملن. - عا، ال ىشكى تۋريستەردى 11 ملن. - عا دەيىن جەتكىزۋ جوسپارلانىپ وتىر".
الماتى قالاسى كاسىپكەرلەر پالاتاسىنىڭ توراعاسى اۋەز تايمبەتوۆ الماتى ەكونوميكاسى ءۇشىن تۋريزم سەكتورىنىڭ ماڭىزدىلىعىن اتاپ ءوتتى:
ء"بىز كورمەنى وتكىزۋدىڭ باستى ماقساتى — تۋريزم سالاسىنداعى وزىق تاجىريبە مەن بىلىممەن الماسۋ دەپ سانايمىز. بۇل كورمە كومپانيالار مەن ۇيىمدارعا ءوز ونىمدەرى مەن قىزمەتتەرىن ىلگەرىلەتۋگە، برەند تۋرالى حاباردارلىقتى ارتتىرۋعا، تاجىريبە الماسۋعا، كاسىبي بايلانىستار ورناتۋعا، سالاداعى جاڭا ۇردىستەر مەن يننوۆاتسيالاردى زەردەلەۋگە، جاڭا كليەنتتەردى تارتۋعا جانە ىنتىماقتاستىق تۋرالى شارتتار جاساسۋعا مۇمكىندىك بەرەدى. كورمەدە الىنعان ناتيجەلەر بارلىق قاتىسۋشىلارعا جانە، ەڭ الدىمەن، قالامىزدىڭ ەكونوميكاسىنا پايدالى بولادى".
ءداستۇر بويىنشا كورمە قوناقتارى قىرعىزستان، مالايزيا، تايلاند، تۇركيا، حورۆاتيا سياقتى قاتىسۋشى ەلدەردىڭ ەلشىلىكتەرى مەن باس كونسۋلدىقتارىنىڭ وكىلدەرى بولدى، ولار دا ەكسپوزيتسيا بويىنشا تانىستىرۋ تۋرىنا قاتىستى.
ستەندتەردىڭ اۋقىمى مەن سۇلۋلىعى ءتىپتى كاسىبي سالا ماماندارىن تاڭ قالدىردى، KITF 2023-كە الەمنىڭ 22 ەلىنەن 258 كومپانيا قاتىستى ء(ازىربايجان، ۆەتنام، گرۋزيا، گرەتسيا، ەگيپەت، يوردانيا، يتاليا، ءۇندىستان، قازاقستان، قىتاي، قىرعىزستان، مالايزيا، مالديۆ ارالدارى، ءباا، رەسەي، سلوۆەنيا، تايلاند، تۇركيا، حورۆاتيا، چەرنوگوريا، وڭتۇستىك كورەيا، جاپونيا). 13 ەل الاڭدا وزدەرىنىڭ ۇلتتىق ستەندتەرىن ۇسىندى: ءازىربايجان، ۆەتنام، گرۋزيا، يوردانيا، يتاليا، قازاقستان، قىرعىزستان، مالايزيا، مالديۆ ارالدارى، رەسەي فەدەراتسياسىنىڭ نوۆگورود وبلىسى، سلوۆەنيا، حورۆاتيا جانە وڭتۇستىك كورەيانىڭ كەنگيدو پروۆينتسياسى.
قاتىسۋشىلار قۇرامى قازاقستاننىڭ تۋريستىك نارىعىنا قىزىعۋشىلىعىن، حالىقارالىق ينۆەستيتسيالاردى تارتۋ جانە ىشكى ونىمدەردى تانىمال ەتۋ ءۇشىن ەلىمىزدىڭ تارتىمدىلىعىن تاعى دا كورسەتتى، ەكسپونەنتتەردىڭ جالپى سانىنىڭ 74% حالىقارالىق قاتىسۋشىلار.
حالىقارالىق كورمەگە قاتىسۋشىلار ءوز ستەندتەرىندە كەڭ ينتەراكتيۆتى باعدارلاما دايىنداپ، كەلۋشىلەرگە ءار قاتىسۋشىنىڭ ۇلتتىق ءدامىن كورسەتەتىن ءتۇرلى ءىس-شارالاردى ۇسىندى: شاي راسىمدەرى، شەبەرلىك سىنىپتارى، ويىن-ساۋىق مۋزىكالىق نومىرلەرى، باعالى سىيلىقتار ۇتىس ويىندارى. العاش رەت كەلۋشىلەرگە يتاليا مەن مالديۆ ارالدارىنىڭ ۇلتتىق ستەندتەرى تانىستىرىلدى.
كورمەنىڭ العاشقى كۇنى Travel Success Academy - KITF Travel Forum-مەن بىرلەسىپ پلەنارلىق وتىرىس، قاتىسۋشى كومپانيالاردىڭ تۇساۋكەسەرلەرى، تۋريستىك اگەنتتەردىڭ جۇمىسى بويىنشا public-talk, "ساپا بەلگىسى" باعدارلاماسىنىڭ تۇساۋكەسەرى ءوتتى. پلەنارلىق وتىرىس قازاقستانداعى بولاشاق كوشپەلى ءتۋريزمدى تالقىلاۋعا ارنالدى. سپيكەرلەر قاتارىندا "تۋريستىك قامقور" قورىنىڭ جانە KOMPAS, Selfie Travel, AnexTour Kazakhstan, FUN&SUN, TEZ TOUR ءىرى تۋروپەراتورلارىنىڭ وكىلدەرى بولدى. "ساياحات سالاسىنداعى ۇردىستەر بويىنشا ديالوگ الاڭى" سەسسياسىنا وتاندىق جانە شەتەلدىك اۆياتاسىمالداۋشىلاردىڭ، الماتى، استانا جانە كوكشەتاۋ اۋەجايلارىنىڭ وكىلدەرى قاتىستى.
ەستەرىڭىزگە سالا كەتەيىك، KITF كورمەسىن ۇيىمداستىرۋشى قازاقستاندىق Iteca كورمە كومپانياسى جانە ونىڭ حالىقارالىق سەرىكتەسى – ICA Events كومپانيالار توبى.
KITF 2023 كورمەسىنىڭ رەسمي سەرىكتەسى-KOMPAS كومپانياسى. ال، TRAVEL SUCCESS ACADEMY ىسكەرلىك باعدارلاماسىنىڭ سەرىكتەسى.
سونداي-اق، شاراعا رەسمي قولداۋ كورسەتكەن: الماتى قالاسىنىڭ اكىمدىگى، "Kazakh Tourism" ۇلتتىق كومپانياسى " اق، "قازاقستان تۋريستىك قاۋىمداستىعى" زتب، "اتامەكەن" ۇلتتىق كاسىپكەرلەر پالاتاسى، "تۋريستىك قامقور"كورپوراتيۆتىك قورى.
كورمە تاعى ەكى كۇنگە سوزىلادى، ءىس-شارا سايتىندا الدىن الا تىركەلۋ بويىنشا بارلىق تۋريستىك قاۋىمداستىقتى كۇتەمىز!
