19 säuırde "Atakent" KQKO ekı pavilonynda "Turizm jäne saiahat" 21-şı Qazaqstandyq halyqaralyq körmesı - KITF 2023 öz jūmysyn bastady. Dästür boiynşa ekspozisiia 21 säuırge deiın üş kün boiy jūmys ısteidı.
Biyl KITF turistık naryqqa qatysuşylar üşın basty demonstrasiialyq alaŋǧa ǧana emes, sonymen qatar jetekşılık etetın memlekettık vedomstvolar, qauymdastyqtar men turistık qoǧamdastyq ökılderı üşın tiımdı dialog köpırıne ainaldy. Sondai-aq, biylǧy jyldyŋ flagmany körme jūmysy aiasynda sala mamandary üşın ötetın üş kündık ıskerlık baǧdarlama boldy.
İndustriianyŋ özektı mäselelerın talqylau jäne odan ärı damu vektorlaryn anyqtau üşın "Turizmdegı jaŋa äserler uaqyty" atty baspasöz konferensiiasy öttı. Spikerler baiandama jasap qana qoimai, qatysyp otyrǧan BAQ sūraqtaryna da jauap berdı.
Öz sözınde "Kazakh Tourism "ŪK" AQ Basqarma töraǧasy Amanbaev Talǧat: "bügıngı körme 2001 jyldan berı ötkızılıp keledı jäne sodan berı bükıl Ortalyq Aziia öŋırınıŋ turistık salasynyŋ mamandary üşın basty oqiǧalardyŋ bırıne ainaldy. KITF alaŋy elımız ben älemdık turistık qoǧamdastyq arasyndaǧy ıskerlık bailanystardy jolǧa qoiuǧa eleulı üles qosady". Körmenıŋ maŋyzdylyǧynan basqa, Talǧat Joldymūratūly 2023 jylǧa arnalǧan josparlar men mındetter turaly aitty. "Bız osy jylǧa özımızge joǧary mındetter qoiyp otyrmyz: 6 mln. keluşı jäne 1,4 mln. şeteldık turister, sondai-aq 9 mln.ışkı turisterdı tartu. Biyl bız turistık salany damytudyŋ jaŋartylǧan tūjyrymdamasyn qabyldadyq, oǧan säikes 2029 jylǧa deiın şeteldık turister sanyn 4 mln. - ǧa, al ışkı turisterdı 11 mln. - ǧa deiın jetkızu josparlanyp otyr".
Almaty qalasy Käsıpkerler palatasynyŋ töraǧasy Äuez Taimbetov Almaty ekonomikasy üşın turizm sektorynyŋ maŋyzdylyǧyn atap öttı:
"Bız körmenı ötkızudıŋ basty maqsaty — turizm salasyndaǧy ozyq täjıribe men bılımmen almasu dep sanaimyz. Būl körme kompaniialar men ūiymdarǧa öz önımderı men qyzmetterın ılgerıletuge, brend turaly habardarlyqty arttyruǧa, täjıribe almasuǧa, käsıbi bailanystar ornatuǧa, saladaǧy jaŋa ürdıster men innovasiialardy zerdeleuge, jaŋa klientterdı tartuǧa jäne yntymaqtastyq turaly şarttar jasasuǧa mümkındık beredı. Körmede alynǧan nätijeler barlyq qatysuşylarǧa jäne, eŋ aldymen, qalamyzdyŋ ekonomikasyna paidaly bolady".
Dästür boiynşa Körme qonaqtary Qyrǧyzstan, Malaiziia, Tailand, Türkiia, Horvatiia siiaqty qatysuşy elderdıŋ elşılıkterı men bas konsuldyqtarynyŋ ökılderı boldy, olar da ekspozisiia boiynşa tanystyru turyna qatysty.
Stendterdıŋ auqymy men sūlulyǧy tıptı käsıbi sala mamandaryn taŋ qaldyrdy, KITF 2023-ke älemnıŋ 22 elınen 258 kompaniia qatysty (Äzırbaijan, Vetnam, Gruziia, Gresiia, Egipet, İordaniia, İtaliia, Ündıstan, Qazaqstan, Qytai, Qyrǧyzstan, Malaiziia, Maldiv araldary, BAÄ, Resei, Sloveniia, Tailand, Türkiia, Horvatiia, Chernogoriia, Oŋtüstık Koreia, Japoniia). 13 el alaŋda özderınıŋ ūlttyq stendterın ūsyndy: Äzırbaijan, Vetnam, Gruziia, İordaniia, İtaliia, Qazaqstan, Qyrǧyzstan, Malaiziia, Maldiv araldary, Resei Federasiiasynyŋ Novgorod oblysy, Sloveniia, Horvatiia jäne Oŋtüstık Koreianyŋ Kengido provinsiiasy.
Qatysuşylar qūramy Qazaqstannyŋ turistık naryǧyna qyzyǧuşylyǧyn, halyqaralyq investisiialardy tartu jäne ışkı önımderdı tanymal etu üşın elımızdıŋ tartymdylyǧyn taǧy da körsettı, eksponentterdıŋ jalpy sanynyŋ 74% halyqaralyq qatysuşylar.
Halyqaralyq körmege qatysuşylar öz stendterınde keŋ interaktivtı baǧdarlama daiyndap, keluşılerge är qatysuşynyŋ ūlttyq dämın körsetetın türlı ıs-şaralardy ūsyndy: şai räsımderı, şeberlık synyptary, oiyn-sauyq muzykalyq nömırlerı, baǧaly syilyqtar ūtys oiyndary. Alǧaş ret keluşılerge İtaliia men Maldiv araldarynyŋ ūlttyq stendterı tanystyryldy.
Körmenıŋ alǧaşqy künı Travel Success Academy - KITF Travel Forum-men bırlesıp plenarlyq otyrys, qatysuşy kompaniialardyŋ tūsaukeserlerı, turistık agentterdıŋ jūmysy boiynşa public-talk, "sapa belgısı" baǧdarlamasynyŋ tūsaukeserı öttı. Plenarlyq otyrys Qazaqstandaǧy bolaşaq köşpelı turizmdı talqylauǧa arnaldy. Spikerler qatarynda "Turistık Qamqor" qorynyŋ jäne KOMPAS, Selfie Travel, AnexTour Kazakhstan, FUN&SUN, TEZ TOUR ırı turoperatorlarynyŋ ökılderı boldy. "Saiahat salasyndaǧy ürdıster boiynşa dialog alaŋy" sessiiasyna otandyq jäne şeteldık aviatasymaldauşylardyŋ, Almaty, Astana jäne Kökşetau äuejailarynyŋ ökılderı qatysty.
Esterıŋızge sala keteiık, KITF körmesın ūiymdastyruşy qazaqstandyq Iteca körme kompaniiasy jäne onyŋ halyqaralyq serıktesı – ICA Events kompaniialar toby.
KITF 2023 körmesınıŋ resmi serıktesı-KOMPAS kompaniiasy. Al, TRAVEL SUCCESS ACADEMY ıskerlık baǧdarlamasynyŋ serıktesı.
Sondai-aq, şaraǧa resmi qoldau körsetken: Almaty qalasynyŋ äkımdıgı, "Kazakh Tourism" ūlttyq kompaniiasy " AQ, "Qazaqstan turistık qauymdastyǧy" ZTB, "Atameken" Ūlttyq Käsıpkerler palatasy, "Turistık Qamqor"korporativtık qory.
Körme taǧy ekı künge sozylady, ıs-şara saitynda aldyn ala tırkelu boiynşa barlyq turistık qauymdastyqty kütemız!
