19 sáýirde "Atakent" KQKO eki pavılonynda "Týrızm jáne saıahat" 21-shi Qazaqstandyq halyqaralyq kórmesi - KITF 2023 óz jumysyn bastady. Dástúr boıynsha ekspozıııa 21 sáýirge deıin úsh kún boıy jumys isteıdi.
Bıyl KITF týrıstik naryqqa qatysýshylar úshin basty demonstraııalyq alańǵa ǵana emes, sonymen qatar jetekshilik etetin memlekettik vedomstvolar, qaýymdastyqtar men týrıstik qoǵamdastyq ókilderi úshin tıimdi dıalog kópirine aınaldy. Sondaı-aq, bıylǵy jyldyń flagmany kórme jumysy aıasynda sala mamandary úshin ótetin úsh kúndik iskerlik baǵdarlama boldy.
Indýstrııanyń ózekti máselelerin talqylaý jáne odan ári damý vektorlaryn anyqtaý úshin "Týrızmdegi jańa áserler ýaqyty" atty baspasóz konferenııasy ótti. Spıkerler baıandama jasap qana qoımaı, qatysyp otyrǵan BAQ suraqtaryna da jaýap berdi.
Óz sózinde "Kazakh Tourism "UK" AQ Basqarma tóraǵasy Amanbaev Talǵat: "búgingi kórme 2001 jyldan beri ótkizilip keledi jáne sodan beri búkil Ortalyq Azııa óńiriniń týrıstik salasynyń mamandary úshin basty oqıǵalardyń birine aınaldy. KITF alańy elimiz ben álemdik týrıstik qoǵamdastyq arasyndaǵy iskerlik baılanystardy jolǵa qoıýǵa eleýli úles qosady". Kórmeniń mańyzdylyǵynan basqa, Talǵat Joldymuratuly 2023 jylǵa arnalǵan josparlar men mindetter týraly aıtty. "Biz osy jylǵa ózimizge joǵary mindetter qoıyp otyrmyz: 6 mln. kelýshi jáne 1,4 mln. sheteldik týrıster, sondaı-aq 9 mln.ishki týrısterdi tartý. Bıyl biz týrıstik salany damytýdyń jańartylǵan tujyrymdamasyn qabyldadyq, oǵan sáıkes 2029 jylǵa deıin sheteldik týrıster sanyn 4 mln. - ǵa, al ishki týrısterdi 11 mln. - ǵa deıin jetkizý josparlanyp otyr".
Almaty qalasy Kásipkerler palatasynyń tóraǵasy Áýez Taımbetov Almaty ekonomıkasy úshin týrızm sektorynyń mańyzdylyǵyn atap ótti:
"Biz kórmeni ótkizýdiń basty maqsaty — týrızm salasyndaǵy ozyq tájirıbe men bilimmen almasý dep sanaımyz. Bul kórme kompanııalar men uıymdarǵa óz ónimderi men qyzmetterin ilgeriletýge, brend týraly habardarlyqty arttyrýǵa, tájirıbe almasýǵa, kásibı baılanystar ornatýǵa, saladaǵy jańa úrdister men ınnovaııalardy zerdeleýge, jańa klıentterdi tartýǵa jáne yntymaqtastyq týraly sharttar jasasýǵa múmkindik beredi. Kórmede alynǵan nátıjeler barlyq qatysýshylarǵa jáne, eń aldymen, qalamyzdyń ekonomıkasyna paıdaly bolady".
Dástúr boıynsha Kórme qonaqtary Qyrǵyzstan, Malaızııa, Taıland, Túrkııa, Horvatııa sııaqty qatysýshy elderdiń elshilikteri men bas konsýldyqtarynyń ókilderi boldy, olar da ekspozıııa boıynsha tanystyrý týryna qatysty.
Stendterdiń aýqymy men sulýlyǵy tipti kásibı sala mamandaryn tań qaldyrdy, KITF 2023-ke álemniń 22 elinen 258 kompanııa qatysty (Ázirbaıjan, Vetnam, Grýzııa, Greııa, Egıpet, Iordanııa, Italııa, Úndistan, Qazaqstan, Qytaı, Qyrǵyzstan, Malaızııa, Maldıv araldary, BAÁ, Reseı, Slovenııa, Taıland, Túrkııa, Horvatııa, Chernogorııa, Ońtústik Koreıa, Japonııa). 13 el alańda ózderiniń ulttyq stendterin usyndy: Ázirbaıjan, Vetnam, Grýzııa, Iordanııa, Italııa, Qazaqstan, Qyrǵyzstan, Malaızııa, Maldıv araldary, Reseı Federaııasynyń Novgorod oblysy, Slovenııa, Horvatııa jáne Ońtústik Koreıanyń Kengıdo provınııasy.
Qatysýshylar quramy Qazaqstannyń týrıstik naryǵyna qyzyǵýshylyǵyn, halyqaralyq ınvestıııalardy tartý jáne ishki ónimderdi tanymal etý úshin elimizdiń tartymdylyǵyn taǵy da kórsetti, eksponentterdiń jalpy sanynyń 74% halyqaralyq qatysýshylar.
Halyqaralyq kórmege qatysýshylar óz stendterinde keń ınteraktıvti baǵdarlama daıyndap, kelýshilerge ár qatysýshynyń ulttyq dámin kórsetetin túrli is-sharalardy usyndy: shaı rásimderi, sheberlik synyptary, oıyn-saýyq mýzykalyq nómirleri, baǵaly syılyqtar utys oıyndary. Alǵash ret kelýshilerge Italııa men Maldıv araldarynyń ulttyq stendteri tanystyryldy.
Kórmeniń alǵashqy kúni Travel Success Academy - KITF Travel Forum-men birlesip plenarlyq otyrys, qatysýshy kompanııalardyń tusaýkeserleri, týrıstik agentterdiń jumysy boıynsha public-talk, "sapa belgisi" baǵdarlamasynyń tusaýkeseri ótti. Plenarlyq otyrys Qazaqstandaǵy bolashaq kóshpeli týrızmdi talqylaýǵa arnaldy. Spıkerler qatarynda "Týrıstik Qamqor" qorynyń jáne KOMPAS, Selfie Travel, AnexTour Kazakhstan, FUN&SUN, TEZ TOUR iri týroperatorlarynyń ókilderi boldy. "Saıahat salasyndaǵy úrdister boıynsha dıalog alańy" sessııasyna otandyq jáne sheteldik avıatasymaldaýshylardyń, Almaty, Astana jáne Kókshetaý áýejaılarynyń ókilderi qatysty.
Esterińizge sala keteıik, KITF kórmesin uıymdastyrýshy qazaqstandyq Iteca kórme kompanııasy jáne onyń halyqaralyq seriktesi – ICA Events kompanııalar toby.
KITF 2023 kórmesiniń resmı seriktesi-KOMPAS kompanııasy. Al, TRAVEL SUCCESS ACADEMY iskerlik baǵdarlamasynyń seriktesi.
Sondaı-aq, sharaǵa resmı qoldaý kórsetken: Almaty qalasynyń ákimdigi, "Kazakh Tourism" ulttyq kompanııasy " AQ, "Qazaqstan týrıstik qaýymdastyǵy" ZTB, "Atameken" Ulttyq Kásipkerler palatasy, "Týrıstik Qamqor"korporatıvtik qory.
Kórme taǵy eki kúnge sozylady, is-shara saıtynda aldyn ala tirkelý boıynsha barlyq týrıstik qaýymdastyqty kútemiz!
