Prosports.kz portaly Ulttyq hokkeı quramasynda bolǵan Egor Petýhov, Anton Sagadeev jáne Alekseı Maklıýkovtiń Reseı paıdasy jolynda Qazaqstan azamattyǵynan bas tartqanyn jáne ulttyq quramadan shyǵatynyn jazdy. Bul oqıǵaǵa qatysty sport jýrnalısi Aslan Qajenov pikir bildirdi, dep habarlaıdy "Adyrna" ulttyq portaly.
Saıttyń habarlaýynsha, Petýhov "Barys" quramasymen qosh aıtysady. Maklıýkov bolsa Magnıtogorskidegi "Metallýrgke" aýysady. Saǵadeev "Sochıde" mansabyn jalǵastyrady.
Ulttyq quramaǵa "juǵymsyz bolǵan" úshtik Qazaqstan azamattyǵyn alsa da, Reseı azamattyǵynan bas tartpaǵan. Olar aqyr sońynda Qazaqstan quramasyna qosylmaýǵa sheshim qabyldady. Olardyń áreketi el quramasynyń daıyndyǵy men babynda bolýyna nuqsan keltirip, shyǵynǵa batyrǵanyn aıtqan sport jýrnalısi Aslan Qajenov bylaı dedi:
- Kók pasporttan bas tartyp jatyr... Otandyh hokkeı ábden bylyqqa batty. Kúni keshe ulttyq quramadaǵy úsh birdeı sportshy Qazaqstan azamattyǵynan bas tartty. Ol - Alekseı Maklıýkov. Ol - Egor Petýhov. Ol - Anton Sagadeev. Tizim ary qaraı da ulǵaıa túsýi múmkin.Eń coraqysy - bular kezinde Reseıden aldyrǵan legıonerler. Iaǵnı, asty-ústine túsip, barlyq jaǵdaıyn jasap, ulttyq quramaǵa qostyq. Al, odan saıyn ashyndyratyny - Qazaqstan azamatttyǵyn alyp turyp, Reseı azamattyǵynan bas tartpaǵan. Iaǵnı, qolynda 2 pasporty boldy. Bundaıǵa bizde zań boıynsha ruqsat joq. Al, otandyq hokkeıdiń bas-qasyndaǵylar zańdy "urǵany" bar.Qysqasy, úsheýi Reseıge ketti. Bir aıdan keıin álem chempıonaty ótedi. Iaǵnı, osylarǵa qyrýar qarjy shashyp, azamattyq alyp berip, endi, mine, sol úmitti aqtaıdy degen kezde tabanyn jaltyratyp tur...Ashat Oralov, shuǵyl túrde myna jaǵdaıǵa aralasyp, mán-jaıyn bilińiz! Otandyq hokkeı nege irip jatyr? Olarǵa bólingen mıllıardttar qaıda? Konkretnyı aýdıt kerek. Ana sportshylarmen kelisim qaıda? Qujattardy tekserý kerek. Nege olar Qazaqstandy «prohodnoı dvor» qylyp jiberdi? Nora kelip bir laqtyrady, Anton kelip bir laqtyrady. Qazaq halqy sonshalyq ańǵal ma?!
Sonymen qatar, jýrnalıst el qarjysyn jelge shashqan sheteldik legıonerlerdi aldyrtýdyń oryndy-orynsyz ekenine kúman keltiredi..
- Qazir ulttyq quramada júrgen basqa da sheteldikterdi de bir jaqty qylý kerek. Bizge Kanada men Reseı oıynshylary kerek pe? Ózimizdiń balalardy nege qatarǵa qospaımyz? Meıli jeńilsin. Biraq, olar kók pasporttan bas tarta almaıdy. Sondyqtan, sońyna deıin oınaıdy. Namysqa tyrysady. Qazaq balalaryn kóbirek qossaq, tipten, kádimgideı serpilis bolar edi. Áreket qylaıyq... - dedi Qajenov.
"Adyrna" ulttyq portaly
