قازاقستاندىق ەكونوميست، ساياساتتانۋشى پەتر سۆويك قازاقتار مەن قازاقستاندى «ورىس الەمىنىڭ بولشەگى» دەپ اتادى. بۇل تۋرالى ول AIRAN YouTube ارناسىنا بەرگەن سۇحباتىندا ايتتى، دەپ حابارلايدى «ادىرنا» ءتىلشىسى.
«قازاقستان مەن قازاقتار – تاريحي تۇرعىدان دا، گەوگرافيالىق تۇرعىدان دا الىپ قاراعاندا ورىس الەمىنىڭ ءبىر بولشەگى. وڭاي بولمادى. الايدا قازاقستان دا، قازاق ۇلتى دا — وسى ءىستىڭ بولىگى»،—دەدى ول.
ساياساتتانۋشى ءبىلىمدى قازاقتاردىڭ بارلىعى اۆتوماتتى تۇردە قازاقي ورتادا ورىسشا سويلەيتىنىن اتاپ ءوتتى.
«قازاقستاننان وزگە ۇلت وكىلدەرى جوق بولىپ كەتسە دە، قازاقتار ءورىستىلدى بولىپ قالا بەرەدى. ءتىل بار جەردە كوزقاراس تا، ءبىلىم دە، ينفورماتيكا دا، تاعى باسقالارى دا بار. ورىس الەمى بولعان، بار جانە بولا دا بەرەدى»، - دەدى پەتر سۆويك.
بۇعان دەيىن قايراتكەر «قازاقستاننىڭ مەملەكەتتىك ءتىلى – ورىس ءتىلى» دەگەن داۋلى مالىمدەمە جاساعان ەدى.
