استاناداعى قۇتقارۋشىلار ساياباعىندا ەرلىكپەن قازا تاپقان ءورت ءسوندىرۋشى اسقار زابيكۋلينگە ارنالعان ەستەلىك تاقتا ورناتىلدى. بۇل تۋرالى توتەنشە جاعدايلار مينيسترلىگى جازدى، دەپ حابارلايدى «ادىرنا» ءتىلشىسى.
«اسقاردىڭ باتىل، ساۋاتتى ارەكەتتەرىنىڭ ارقاسىندا ادام ءومىرى ساقتالدى. قىزمەتتىك بورىشىن ورىنداۋ جانە ادامدار ءومىرىن قۇتقارۋ كەزىندە كورسەتكەن ەرلىگى مەن ءوز ىسىنە بەرىلگەندىگى ءۇشىن، ازاماتتىق قورعاۋ كاپيتانى اسقار سەرىكۇلى زابيكۋلين قازاقستان رەسپۋبليكاسىنىڭ «ءى دارەجەلى ايبىن» مەملەكەتتىك ناگراداسىمەن ماراپاتتالدى. ول ءوز ءىسىنىڭ مامانى رەتىندە ءبىزدىڭ جۇرەگىمىزدە ماڭگى قالادى»،—دەدى باسقارمانىڭ ءباسپاسوز قىزمەتى.
ەسكە سالا كەتەيىك، اسقار سەرىكۇلى استاناداعى كوپقاباتتى ۇيدە بولعان ءورت كەزىندە وقيعا ورنىنا شۇعىل جەتىپ، بىرنەشە ادامنىڭ ءومىرىن ساقتاپ قالعان ەدى. دەنەسىنىڭ 80%-ىن كۇيىك شالعان ءورت ءسوندىرۋشى اۋىر جاعدايدا اۋرۋحانا ءتۇسىپ، قايتىس بولدى.
