Astanadaǵy qutqarýshylar saıabaǵynda erlikpen qaza tapqan órt sóndirýshi Asqar Zabıkýlınge arnalǵan estelik taqta ornatyldy. Bul týraly Tótenshe jaǵdaılar mınıstrligi jazdy, dep habarlaıdy «Adyrna» tilshisi.
«Asqardyń batyl, saýatty áreketteriniń arqasynda adam ómiri saqtaldy. Qyzmettik boryshyn oryndaý jáne adamdar ómirin qutqarý kezinde kórsetken erligi men óz isine berilgendigi úshin, azamattyq qorǵaý kapıtany Asqar Serikuly Zabıkýlın Qazaqstan Respýblıkasynyń «I dárejeli Aıbyn» memlekettik nagradasymen marapattaldy. Ol óz isiniń mamany retinde bizdiń júregimizde máńgi qalady»,—dedi basqarmanyń baspasóz qyzmeti.
Eske sala keteıik, Asqar Serikuly Astanadaǵy kópqabatty úıde bolǵan órt kezinde oqıǵa ornyna shuǵyl jetip, birneshe adamnyń ómirin saqtap qalǵan edi. Denesiniń 80%-yn kúıik shalǵan órt sóndirýshi aýyr jaǵdaıda aýrýhana túsip, qaıtys boldy.
