وقۋ جىلىنىڭ اياقتالۋى مەن ەمتيحاندار مەرزىمى جاريالاندى

ەلىمىزدە وقۋ جىلىن اياقتاۋ جانە قورىتىندى ەمتيحانداردى وتكىزۋ مەرزىمى بەلگىلەندى. بۇل تۋرالى وقۋ-اعارتۋ ۆيتسە-ءمينيسترى شولپان كارينوۆا ايتتى، دەپ حابارلايدى «ادىرنا» ءتىلشىسى. قۇجاتقا سايكەس، 2022-2023 وقۋ جىلى بارلىق مەكتەپتە 31 مامىردا اياقتالادى. 2-13 ماۋسىم ارالىعىندا 9 (10) سىنىپتار ءۇشىن قورىتىندى ەمتيحاندار ۇيىمداستىرىلسا، 5-19 ماۋسىم كۇندەرى 11 (12) سىنىپ وقۋشىلارى مەملەكەتتىك ەمتيحاندارىن تاپسىرادى. 9 (10) سىنىپ وقۋشىلارىنىڭ ەمتيحان كەستەسى: 2 ماۋسىم – وقىتۋ ءتىلى بويىنشا جازباشا ەمتيحان; 6 ماۋسىم – ماتەماتيكا; 9 ماۋسىم – قازاق نە ورىس ءتىلى; 13 ماۋسىم – تاڭداۋ ءپانى بويىنشا جازباشا ەمتيحان. 11 (12) سىنىپ وقۋشىلارىنىڭ ەمتيحان كەستەسى: 5 ماۋسىم – وقىتۋ ءتىلى بويىنشا جازباشا ەمتيحان; 8 ماۋسىم – الگەبرا جانە اناليز باستامالارى; 12 ماۋسىم – قازاقستان تاريحى; 15 ماۋسىم – قازاق نە ورىس ءتىلى; 19 ماۋسىم – تاڭداۋ ءپانى بويىنشا جازباشا ەمتيحان.