بۇل تۋرالى دارحان قىدىرالى ءوزىنىڭ Facebook جەلىدەگى پاراقشاسىندا جازدى، دەپ حابارلايدى "ادىرنا" ۇلتتىق پورتالى.
"بۇگىن «Netflix» كومپانياسىنىڭ ەۋروپا، تاياۋ شىعىس جانە افريكا وڭىرلەرىنىڭ ۇكىمەتتەرىمەن ءوزارا ءىس-قيمىل جونىندەگى ديرەكتورى الەكساندر لونگپەن كەزدەستىم. كەزدەسۋ بارىسىندا بىرلەسكەن ورتاق جوبالار جاساۋ ماسەلەلەرىن تالقىلاپ، ءوزارا وي-پىكىر الماستىق. جالپى كومپانيانىڭ زور الەۋەتىن ەسكەرە وتىرىپ، سەرىكتەستىك ورناتۋعا مۇددەلى ەكەنىمىزدى جەتكىزدىم. الداعى ۋاقىتتا قازاقستاندىق ونىمدەردى Netflix پلاتفورماسىندا ورنالاستىرۋعا نيەتتىمىز. الەكساندر لونگ مىرزاعا سوڭعى جىلدارى ساپاسى ارتىپ، دەڭگەيى وسكەن وتاندىق سەريالدار ءوندىرىسى تۋرالى ايتىپ بەردىم. وزدەرىڭىزگە بەلگىلى، قازىردە ەلىمىزدە تۇسىرىلگەن سەريالدار مەن وتاندىق كونتەنتتەرگە سۇرانىس ارتىپ، الىس-جاقىن شەت ەلدەرگە ساتىلا باستادى. ءبىز مينيسترلىك تاراپىنان سەريالدارىمىزدى حالىقارالىق دەڭگەيگە شىعارۋ ماقساتىنداعى جۇمىستاردى جالعاستىرا بەرەمىز", - دەدى ول.
