اقمولا وبلىسىندا ەر ادامدار كوشەدەگى ءيتتى سويىپ، ەتىن جەمەك بولعان. بۇل تۋرالى اقمولا وبلىسىنىڭ پوليتسەيلەرى اتباساردا جانۋارلارعا قاتىگەزدىك كورسەتۋ فاكتىسىن انىقتادى، دەپ حابارلايدى “ادىرنا” ۇلتتىق پورتالى.
7 ءساۋىر كۇنى اتباسار قالاسىندا ۋچاسكەلىك پوليتسيا ينسپەكتورى جەرگىلىكتى تۇرعىنداردىڭ ءيتتى سويۋ فاكتىسىن انىقتادى. تۇندە ەكى ادام كوشەدە جۇرگەن ءيتتى كورىپ، ونى تاماققا پايدالانۋ تۋرالى شەشىم قابىلداعان.
ارام پيعىلىن جۇزەگە اسىرۋ ءۇشىن ولار جانۋاردى پىشاقپەن ءولتىرىپ، ەتىن مۇشەلەپ، ۇيگە الىپ كەتكەن. ال قالعان بولىكتەرى وقيعا ورنىندا قالعان.
بۇل فاكتى قىلمىستىق كودەكستىڭ 316-بابى 3-بولىگى (جانۋارلارعا قاتىگەزدىك) بويىنشا سوتقا دەيىنگى تەرگەۋلەردىڭ بىرىڭعاي تىزىلىمىندە تىركەلدى.
تەرگەۋ بارىسىندا ءيتتىڭ سۇيەكتەرى تابىلىپ، تاركىلەندى. قالا تۇرعىندارى قىلمىس جاساعانىن مويىندادى.
