اۋعانستانداعى تاليبان بيلىگى (قازاقستاندا تىيىم سالىنعان ۇيىم) ايەلدەرگە بۇۇ-دا جۇمىس ىستەۋگە تىيىم سالاتىن بۇيرىق شىعاردى، دەپ حابارلايدى «ادىرنا» ءتىلشىسى.
«تالىپتەر اۋعانستانداعى ايەلدەردەن بۇۇ ميسسياسى قۇرامىندا قىزمەت اتقارماۋدى رەسمي تۇردە تالاپ ەتكەن. ولار ۇيىمدا جۇمىس ىستەۋگە تىيىم سالاتىن بۇيرىق تۋرالى حابار الدى»، - دەدى بۇۇ باس حاتشىسىنىڭ وكىلى ستەفان ديۋجارريك.ايتۋىنشا، بۇل وقيعانىڭ ەلدەگى ۇيىم قىزمەتىنە قالاي اسەر ەتەتىنى زەرتتەلىپ جاتىر.
«تاليبان» باسشىلىعىنىڭ رەسمي مالىمدەمەسىندە بۇيرىقتىڭ بۇكىل ەل ىشىندە قولدانىلاتىنى كورسەتىلگەن. بۇل ايەلدەردىڭ نەگىزگى قۇقىقتارىن بۇزادى جانە كەمسىتۋشىلىككە جول بەرمەۋ پرينتسيپىنە قايشى كەلەدى»،—دەپ تولىقتىردى ول.بۇعان دەيىن تالىپتەر ايەلدەردىڭ ۋنيۆەرسيتەتتە وقۋىنا دا شەكتەۋ قويدى. ايتا كەتەيىك، «تاليبان» قوزعالىسى — راديكالدى جانە ەكسترەميستىك شەكتەن شىققان ۇيىم.
